Seysmik razvedka

Сейсмик разведка - кон қидиришнинг геофизик усулларидан бири. У портлатиш ва зарба манбаларидан ҳар томонга тарқалган эластик тўлқинларни ўрганишга асосланган. Ер пустила бу тўлқинлар энг чуқурда жойлашган тоғ жинсларигача бориб етади ва уларга урилиб қисман синади, қисман акс этиб кайтади. Ер устида бу тўлқинларни сейсмограммалар сифатида Ср. стансиялари ёзиб олади. Сейсмограммаларни ЭҲМ ва компютерларда таҳлил қилиб, тўлқинлар ўтган қатламларнинг геологик тузилиши, структура ва узилмаларнинг чуқурлиги, ташкил этган тоғ жинсларининг таркиби ва улар билан боғлиқ бўлган конлар каттакичиклигини билиш мумкин.

Сейсмик разведканинг бир қанча методлари мавжуд: кайтган тўлқинлар, синган тўлқинлар, чуқурликни зоналаш методлари, умумий чуқурликлар нуктаси кабилар. Бу Ер пўстининг геологик тузилишини, айниқса нефт ва газ конлари геологиясини ўрганишда ва бу конларни ташкил қилган турли хилдаги тектоник структураларни қидириб топишда, шунингдек, муҳандислик геологияси ва гидрогеологик масалаларни ечишда кенг қўлланади.