Sferik funksiyalar

Сферик функсиялар – сферик симметрияга эга соҳаларга оид масалаларни ўрганишда қулай бўлган махсус функсиялар кетма-кетлиги. Математиканинг физика, техника ва бошқа соҳалардаги татбикларида қўлланади. Сферик координаталардаги Лаплас тенгламаси билан боғлиқ тенгламани қаноатлантиради ва коэффициентлари Лежандр кўпҳадлари билан ифодаланадиган чекли тригонометрик кўпҳад кўринишида ёзилади. Математик физика масалаларида потенсиаллар кўпинча Сферик функсиялар орқали Фуре қатори кўринишида изланади.