Shahobiddin Qirgʻizov
Shahobiddin Mirzaraimovich Qirgʻizov (1950-yil 26-oktyabr, Andijon, Andijon viloyati, Oʻzbekiston SSR) — oʻzbekistonlik olim, kimyo fanlari doktori, professor.
| Shahobiddin Qirgʻizov | |
|---|---|
|
| |
| Tavalludi |
1950-yil 26-oktyabr Andijon, Andijon viloyati, Oʻzbekiston SSR |
| Fuqaroligi |
|
| Ish joylari | Andijon davlat universiteti |
| Taʼlimi | Andijon davlat pedagogika instituti |
| Ilmiy darajasi | kimyo fanlari doktori |
| Ilmiy unvoni | professor |
| Mukofotlari |
|
Biografiyasi
Shahobiddin Qirgʻizov 1950-yil 26-oktyabr Andijon shahrida tugʻilgan[1][2]. 1968—1973-yillarda Andijon davlat pedagogika instituti kimyo-biologiya fakultetida oʻqigan. 1973—1975-yillarda Shahrixon tumanidagi oʻrta maktabda kimyo-biologia fani oʻqituvchisi, 1975—1978-yillarda Toʻraqoʻrgʻon tumanidagi oʻrta maktabda kimyo-biologiya fani oʻqituvchisi, 1978—1986-yillarda Andijon davlat tibbiyot institutining biokimyo kafedirasida katta laborant, assistent, 1986— 1993-yillarda Andijon davlat tibbiyot instituti markaziy ilmiy tekshirish laboratoriasida kichik ilmiy xodim boʻlib ishlagan. 1989-yilda ustozi Asqarov Ibrohimjon Rahmonovich birgalikda qilingan ixtiro uchun SSSR ixtirochilar va ratsionalizator jamiyati tomonidan „SSSR ixtirochisi“ unvoniga sazovor boʻlgan. 1993-yildan Andijon davlat universiteti kimyo fakulteti organik va umumiy kimyo kafedrasida assistent boʻlib ishlagan. 1995—2003-yillarda Andijon viloyati bojxona boshqarmasida viloyatlararo bojxona ekspertiza laboratoriyasida laboratoriya boshligʻi[2] boʻlib ishlagan hamda bojxona xizmati mayori unvoniga ega boʻlgan. 2003-yildan Andijon davlat universiteti tabiiy fanlar fakulteti kimyo kafedrasida katta oʻqituvchi, dotsent, professor lavozimida ishlab kelmoqda[1].
Oilasi
Oilali, 4 nafar farzandi bor[1].
Ilmiy faoliyati
Shahobiddin Qirgʻizov ilmiy faoliyati davomida 3 ta mualliflik guvohnomasi, 6 ta patent, 2 ta darslik, 5 ta oʻquv qoʻllanma, 2 oʻquv uslubiy qoʻllanma, 2 ta monografiya, 360 dan ortiq ilmiy maqolalari chop etilgan. 2016-yilda Oʻzbekiston Respublikasi mustaqilligining 25 yilligi esdalik koʻkrak nishoni bilan taqdirlangan[1].
Manbalar
- ↑ 1,0 1,1 1,2 1,3 Oʻzbekistonning taniqli olimlari ensiklopediyasi, 2-tom (oʻzbekcha), Toshkent: Science and Innovation, 2023 — 383-bet.
- ↑ 2,0 2,1 „JONKUYAR MURABBIY, MEHNATKASH OLIM SHAXOBIDDIN KIRGIZOV 70 YOSHDA!“ (2020-yil 26-oktyabr). 2023-yil 21-avgustda asl nusxadan arxivlangan. Qaraldi: 2023-yil 21-avgust.