Sharbat Abdullayeva
Абдуллаева Шарбат Зулпикаровна (1958-йил Бухоро вилояти) — Иқтисод фанлари доктори, профессор[1], Олий таълим аълочиси" кўкрак нишони ҳамда „Меҳнат шуҳрати“ ордени соҳиби.
| Абдуллаева Шарбат Зулпикаровна | |
|---|---|
| Таваллуди |
22-январ 1958-йил Олот, Бухоро, О'збекистон |
| Фуқаролиги |
 УЗБ |
| Миллати | О'збек |
| Соҳаси | Молия, Иқтисод |
| Машҳур ишлари |
„Банкларда бухгалтерия хисоби асослари“, „Банк рисклари“, „Пул ва иул тизими“ „Пул, кредит ва банклар“, „Банк иши!“. |
| Мукофотлари | „Меҳнат шуҳрати“ ордени, „Олий таълим аълочиси“ кўкрак нишони соҳиби |
Абдуллаева Шарбат Зулпикаровна — (1958-йил Бухоро вилоятида туғилган) 1979-йилда Тошкент халқ хўжалиги институтини, 1985-йилда Москва молия институти (Россия Федерацияси Президенти ҳузуридаги — Молия Академияси) аспирантурасини тугатган. Иқтисод фанлари доктори, профессор. Бугунги кунга қадар мамлакат ривожи йўлида кўплаб самарали ишларни амалга оширишда фаол хизмат кўрсатиб келмоқда[2][3].
Фаолияти
Меҳнат фаолиятини Тошкент халқ хўжалиги институтинининг „Пул муомаласи ва кредит“, кафедраси ассистенти лавозимидан бошлаган.
- 1981-1982-йилларда ушбу институт ва Молия иқтисод факултетининг ёшлар қўмитаси раиси лавозимида ишлаган.
- 1982-1985-йилларда Москва молия институти аспирантурасида таҳсил олиб, номзодлик диссертациясини ҳимоя қилган.
- 1986-2006-йиллар оралиғида Тошкент халқ хўжалиги ва Тошкент Молия институтуда ассистент, доцент ва мудир лавозимларида фаолият олиб борган.
- 2000-йилда „Банк рисклари шароитида тижорат банкларининг кредит портфелини диверсификациялаш“ мавзусида докторлик диссертациясини ҳимоя қилган.
Дарслик ва ўқув қўлланмалари
Профессор Абдуллаева 15 дан ортиқ дарслик, 50 дан ортиқ ўқув ва услубий қўлланмалар чоп қилган[4]:
- „Пул, кредит ва банклар“ дарслиги
- „Банк иши“
- „Пул ва пул тизими“ ўқув қўлланмаларини яратган.
Маҳаллий ва хорижий илмий журналларда 100 дан ортиқ илмий мақолалар чоп этган. Хоржий мутахассислар билан ҳамкорликда „Экономическая теория“, „Бозор иқтисодиёти амалиёти“ каби дарсликлар устида ишлаган. Банк иши йўналиши бўйича 6 та фандан маъруза матнларини, қатор фанлар бўйича 10 дан ортиқ методик услубий қўлланмаларни ишлаб чиққан ва нашр эттирган.
Жамиятдаги фаолияти
- Ш.З.Абдуллаева 2004-2005-йилларда Ўзбекистон Республикаси Хотин-қизлар қўмитаси нодавлат — нотижорат ташкилотлари гуруҳи раҳбари лавозимида ишлаган.
- 2004-йилда Ўзбекистон Республикаси Олий Мажлиси Қонунчилик палатаси депутати этиб сайланган.
- Ўзбекистон Халқ Демократик Партияси Марказий Кенгаши раиси ўринбосари.
Халқаро ташкилотлардаги фаолияти
- У долзарб мавзуларга бағишланган 100 дан ортиқ халқаро ва республика миқёсидаги илмий-амалий конференсияларда илмий чиқишлар, давра суҳбатлари ва семинарларда маърузалар билан иштирок этиб, илмий, оммабоп мақолалар эълон қилган.
- 2005-йилда Делегация таркибида БМТнинг 49-сессиясида (Ню-ёрк), 2008-йилда „Ўзбекистон-Европа Иттифоқи“ парламент ҳамкорлиги қўмитасининг 7-мажлисида иштирок этган.
- Белгия (Бруссел)да Европарламент сессияларида маърузалар билан қатнашган.
- Парламентарий аёллар делегацияси таркибида Корея (Сеул)да, Ўзбекистон Хотин-қизлар қўмитаси томонидан тадбиркор аёллар делегациясининг раҳбари сифатида Ҳиндистонда бўлиб ўтган халқаро конференсияларда маърузалар қилган.
Шогирдлари
Шарбат Зулпикаровна Ўзбекистон Республикасида „Молия, пул муомаласи ва кредит“ ихтисослиги олимларидан ҳисобланади. Ҳозирда у 1 та фан доктори, 10 та фан номзодига илмий раҳбарлик қилиб, илмий педагогик кадрлар тайёрлаш ишига ўзининг муносиб ҳиссасини қўшиб келмоқда[5].
Мукофотлари
Ш.З.Абдуллаева фидокорона меҳнатлари учун „Меҳнат шуҳрати“ ордени, „Ўзбекистон Республикаси Мустақиллигининг 15 йиллиги“, „Ўзбекистон Республикаси Мустақиллигининг 20 йиллиги“, „Олий таълим аълочиси“ кўкрак нишонлари билан тақдирланган.
Манбалар
- ↑ Шарбат Абдуллаева Профессор ат Ташкент Финанcиал Институте
- ↑ АБДУЛЛАЕВА ШАРБАТ ЗУЛПИКАРОВНА
- ↑ Гоогле Академия Шарбат Абдуллаева
- ↑ CРЕДИТ СУППОРТ НЕЭД ФОР ДЕВЕЛОПМЕНТ ОФ АCТИВИТИЭС ОФ ТОУРИСМ ЭНТЕРПРИСЕС(Шарбат Абдуллаэва,Азиза Каримова)
- ↑ „Тошкент Молия институти, Илмий мактаб“. 2023-йил 28-мартда асл нусхадан архивланган. Қаралди: 2022-йил 22-июл.
Ҳаволалар
- „Бу таълимда коррупсия, ғирром йўл билан баҳо олиш жараёнларини чеклашга ёрдам беради“. Профессор ижтимоий тармоқлардаги эътирозларга муносабат билдирди (Wайбаcк Мачине сайтида 2022-07-19 санасида архивланган)
- ЎЗБЕКИСТОН БАНК ТИЗИМИНИ ТРАНСФОРМАТСИЙА ҚИЛИСҲНИНГ ФУНДАМЕНТАЛ АСОСЛАРИ ВА МЕХАНИЗМИНИ ТАКОМИЛЛАСҲТИРИСҲ (Wайбаcк Мачине сайтида 2025-01-28 санасида архивланган)
- Сайловларимиз тарихида кўрилмаган сиёсий жараён ҳақида