Shaxmat stoli

Шахмат столи – устки юзасида шахмат тахтаси чизилган ёки ўйиб ишланган махсус стол. Фотосуратда боғда ўрнатилган шахмат столи тасвирланган.

Шахмат столи – шахмат ўйинини қулай тарзда ўйнаш учун мўлжалланган махсус стол ҳисобланади. Бундай столлар турли ўлчам ва шаклларда бўлиши мумкин, одатда қаттиқ ёғочдан ясалади. Шахмат столларига айрим шаҳарлар ва жамоат жойларида, хусусан боғлар ва хиёбонларда дуч келиш мумкин. Уларнинг аксарияти ўз ўлчамлари жиҳатидан пикник столларига ўхшайди.

Тавсифи

Шахмат столи – шахмат ўйинини ўйнаш учун махсус қулайликлар билан жиҳозланган стол ҳисобланади. Одатда шахмат тахтаси стол юзасига ўрнатилган бўлади. Кўпинча столнинг икки томонида фигураларни сақлаш учун тортмалар мавжуд бўлади. Аксарият шахмат столларида тахта ўйиб ишланган ёки қўшилган тарзда тайёрланади, арзонроқ моделларда эса у бўялган шаклда бўлиши мумкин. Шахмат столлари юқори даражада безатилган, сифатли ишланган ва қимматбаҳо мебел буюмлари сифатида ҳам яратилади.

Материаллар

Шахмат столлари одатда қаттиқ ёғочдан тайёрланади, энг машҳур турлари сифатида атиргул ёғочи, кедр ва маҳагоний ёғочлари ишлатилинади^[1]. Шунингдек, экзотик ёғоч турларидан тайёрланган вариантлари ҳам мавжуд.