Shohei Ono
Шоҳеи Оно (японча: 大野将平; туғ. 1992-йил 3-феврал, Ямагучи, Япония) — япониялик дзудочи, 73 кг гача вазн тоифасида, Япония терма жамоаси аъзоси. Икки карра Ёзги Олимпиада ўйинлари чемпиони, олти карра Жаҳон чемпиони, Осиё чемпионат ғолиби, икки карра Япония чемпиони, Ёзги Осиё ўйинлари чемпиони.
| Шоҳеи Оно | |
|---|---|
 | |
| Шахсий маълумотлари | |
| Жинси | эркак |
| Таваллуд пайтидаги исми | японча: 大野将平 |
| Фуқаролиги |
 Япония |
| Таваллуд санаси |
1992-йил 3-феврал Ямагучи, Япония |
| Вазни | 73 кг |
| Спорт | |
| Қайси спорт | дзудо |
| Клуби | Асаҳи Касеи |
| Спорт мукофотлари | ||
|---|---|---|
| Ёзги Олимпиада ўйинлари | ||
| Олтин | Рио-де-Жанейро 2016 | 73 кг |
| Олтин | Токио 2020 | 73 кг |
| Кумуш | Токио 2020 | аралаш жамоа |
| Дзудо бўйича Жаҳон чемпионати | ||
| Олтин | Рио-де-Жанейро 2013 | 73 кг |
| Олтин | Челябинск 2014 | жамоа |
| Олтин | Остона 2015 | 73 кг |
| Олтин | Остона 2015 | жамоа |
| Олтин | Токио 2019 | 73 кг |
| Олтин | Токио 2019 | аралаш жамоа |
| Ёзги Осиё ўйинлари | ||
| Олтин | Жакарта 2018 | 73 кг |
| Дзудо бўйича Осиё чемпионати | ||
| Кумуш | Тошкент 2012 | 73 кг |
Фаолияти
У етти ёшида маҳаллий ёшлар клубида мураббийлик қилган отаси изидан Ямагучи шаҳридаги Мацуми скаут клубида дзудо билан шуғуллана бошлаган. Шоҳеи Оно бошланғич мактабни тугатгандан сўнг, оила Токиога кўчиб ўтди ва у ерда ўқишни давом эттирди[1].
2010-йилда у Лионда (Франсия) 20 ёшгача (У20) иштирокчилар ўртасида ўтказилган халқаро турнирда ғолиб чиқди, Токиодаги „Катта дубулға“ босқичида эса бешинчи бўлди. 2011-йилда Жаҳон чемпиони (У20), 19 ёшида эса катталар ўртасидаги Жаҳон чемпионатида ғолиб чиқди. 2012-йилда Осиё чемпионати ва Япония чемпионати кумуш медалларини қўлга киритган, Токиодаги „Катта дубулға“ туркумига кирувчи турнирда ғолиб чиққан ва Кодокан кубогини қўлга киритган[2].
2013-йилда у Париждаги (Франсия) „Катта дубулға“ турнирида ва Япония чемпионатида учинчи ўринни эгаллади, кейин эса яккалик баҳсларида Жаҳон чемпиони, жамоада эса бронза медалини қўлга киритди. 2014-йилда у Япония чемпиони бўлди ва шахсий чемпионатда ғолиблар қаторидан пастда қолди ва Челябинскда (Россия) жамоа таркибида Жаҳон чемпиони бўлди. Ўша йили Токиода „Катта дубулға“ турнирида ҳам иккинчи ўринни эгаллади[3].
2015-йилда у Дусселдорфда (Германия) Гран-присини қўлга киритди,[4] миллий чемпионатда учинчи бўлди ва шахсий чемпионатда иккинчи, жамоада эса иккинчи марта Жаҳон чемпиони унвонини қўлга киритди. 2016-йилда у яна Дусселдорфда (Германия) Гран-присини қўлга киритди ва икки карра Япония чемпиони бўлди. Олимпиада ўйинларига у мутлақ фаворит сифатида бордим[5].
У 2016-йилги Ёзги Олимпиада ўйинлари 73 кг гача бўлган вазн тоифасида иштирок этган. Спортчилар 4 гуруҳга бўлинган бўлиб, чорак финал натижалариг кўра тўрт нафар дзудочи ярим финалга йўл олди. Чорак финалда мағлуб бўлганлар „тасалли“ баҳсларида, кейин эса ярим финалда мағлуб бўлганлар билан тўқнаш келишди ва шу натижаларга кўра бронза медал соҳиблари аниқланди. Шоҳеи Оно барча жангларда ғалаба қозониб, Олимпиада ўйинларининг олтин медалини қўлга киритди[6][7].
2019-йилда Токиода (Япония) бўлиб ўтган Олимпиада олдидан Жаҳон чемпионатида у 73 кг гача вазн тоифасида ғалаба қозонди ва Жаҳон чемпиони бўлди. Финалда озарбайжонлик спортчи Рустам Оружов синди. Аралаш жамоа таркибида у Жаҳон чемпионига айланди. 2021-йилда Токиода бўлиб ўтган Ёзги Олимпиада ўйинларида спортчи 73 кг вазн тоифасидаги финал жангида грузиялик Лаза Шавдатуашвилини мағлуб этиб, яна олтин медални қўлга киритди[8].
Манбалар
- ↑ ｢柔道全日本強化選手名鑑 2022｣近代柔道 ベースボールマガジン社、2022年4月号 / スタッフ・選手紹介 / 柔道部
- ↑ ҳттпс://www.жудо-ч.жп/интервиэw/ооно/
- ↑ ҳттпс://www.ижф.орг/жудока/4018
- ↑ ҳттпс://www.споничи.cо.жп/спорц/неwс/2015/02/22/кижи/К20150222009854880.ҳтмл
- ↑ ҳттп://www.жудоинсиде.cом/неwс/1539/Рио2016_Олймпиc_Жудо_Превиэw_Мен_У73кг
- ↑ архив нусхаси, 2016-08-06да асл нусхадан архивланди, қаралди: 2022-05-29
- ↑ ҳттпс://жудоинсиде.cом/неwс/1573/Шоҳеи_Оно_эарнс_респеcт_wитҳ_Олймпиc_голд_ин_стйле
- ↑ ҳттпс://www.олймпедиа.орг/атҳлетес/134777