Shokir Fayzullayev

Шокир Насибуллаевич Файзуллаев — 2010—2015-йилларда Ўзбекнефтгаз компанияси бошқарув раиси.

Шокир Насибуллаевич Файзуллаев
Ўзбекнефтгаз компанияси бошқарув раиси
Мансаб даври 2010-йил 23-март – 2015-йил 29-август
Ҳукумат бошлиғи	Шавкат Мирзиёев
Президент	Ислом Каримов
Ўтмишдоши	Қамбарали Эшонқулов
Вориси	Алишер Султонов
Шахсий маълумотлари
Таваллуди	1964-йил 7-июн (1964-06-07) Тошкент
Сиёсий партияси	Ўзбекистон Либерал Демократик Партияси
Мукофотлари

Биографияси

Маълумоти

1986-йилда Тошкент политехника институтини, 2004-йилда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.

Меҳнат фаолияти

1986—1991-йилларда — „Прогресс“ ишлаб чиқариш бирлашмасида технологик муҳандис, катта муҳандис, етакчи муҳандис, сектор мудири, маҳаллий қурилиш материаллари ва маҳаллий хомашё ва иккиламчи ресурслардан халқ истеъмоли товарлари ишлаб чиқаришни ривожлантириш илмий-тадқиқот бўлими бошлиғи.

1991—1992-йилларда „Нафосат“ ишлаб чиқариш кичик корхонаси директори.

1992—1993-йилларда „Маҳаллий саноат“ бирлашмаси бош мутахассиси, 1-тоифали муҳандис-иқтисодчиси, бўлим бошлиғи ўринбосари, бўлим бошлиғи.

1993—1994-йилларда Ўзбекистон Республикаси Давлат мулкини бошқариш ва хусусийлаштириш давлат қўмитасида ташқи иқтисодий алоқалар ва хориждаги мулк бошқармаси бошлиғининг ўринбосари, ташқи иқтисодий алоқалар ва хориждаги мулк бўлими бошлиғи.

1994—1995-йилларда Ўзбекистон Республикаси Давлат мулки қўмитасининг ташқи иқтисодий алоқалар ва хориждаги мулк бош бошқармаси бошлиғининг ўринбосари — хорижий инвестициялар ва хориждаги мулк бошқармаси бошлиғи.

1995—1998-йилларда Ўзбекистон Республикаси Давлат мулкини бошқариш ва тадбиркорликни қўллаб-қувватлаш қўмитаси ҳузуридаги хусусийлаштиришга кўмаклашиш гуруҳи ижрочи директори.

1998—1999-йилларда Ўзбекистон Республикаси Вазирлар Маҳкамаси инвестиция дастурлари бўлими бош мутахассиси.

1999—2003-йилларда „Ўзбекнефтгаз“ миллий холдинг компанияси секторни ислоҳ қилиш ва қимматли қоғозларни жойлаштириш бошқармаси бошлиғи.

2003—2005-йилларда „Ўзбекнефтгаз“ Миллий холдинг компанияси нефт-газ тармоғини истиқболли мутаносиб ривожлантириш ва шартномавий ташқи иқтисодий алоқалар бош бошқармаси бошлиғи.

2004—2005-йилларда „Ўзнефтгазмаш“ аксиядорлик жамияти бош директори.

2005-2008-йилларда „Ўзбеккимёмаш заводи“ ОАЖ бош директори.

2008—2010-йилларда Ўзбекистон Республикаси Иқтисодиёт вазирининг иқтисодиётни модернизация қилиш, саноат ва ишлаб чиқариш инфратузилмасини ривожлантириш масалалари бўйича ўринбосари.

2010—2015-йилларда „Ўзбекнефтгаз“ миллий холдинг компанияси бошқаруви раиси.

2015—2017-йилларда Ўзбекистон Республикаси Иқтисодиёт вазирининг ўринбосари.

2017-йилдан „Жиззакҳ Петролеум“ (ҳозирги „Саноат Энергетика Гуруҳи“ МЧЖ) бош директори.

2007-йилдан Губкин номидаги Россия Давлат нефт ва газ университетининг Тошкент филиали Васийлик кенгаши аъзоси.