Shokir Selim
Шокир Селим (қрим татарча: Şakir Selim ; ҳақиқий исми Шакир Селимович Селимов, қрим татарча: Şakir Selim oğlu Selimov; 1942-йил 10-апрел – 2008-йил 18-ноябр) – Қрим-татар шоири ва таржимони. "Йилдиз " журнали бош муҳаррири (1998-2008). 1982-йилдан СССР Ёзувчилар уюшмаси аъзоси.
| Шокир Селим | |
|---|---|
| Таваллуди |
10-апрел 1942-йил Раздолненский тумани, Қрим Автоном Совет Социалистик Республикаси, СССР |
| Вафоти |
18-ноябр 2008-йил (66 ёшда) Симферопол, Украина |
| Фуқаролиги |
 СССР →  Украина |
| Соҳаси | шеърият |
| Таълими | Самарқанд давлат университети |
Ҳаёти
Шокир Селим Қрим ССРнинг Ласточкино қишлоғида туғилган. Икки ёшида қрим-татарлар депортация пайтида у оиласи билан Ўзбекистон ССР таркибидаги Самарқанд вилоятининг Жомбой туманига жойлашган. Селим 1974-йилда Самарқанд давлат университетининг филология факултетини тамомлаган.
Селим 11 йил Жомбойда бошланғич синф ўқитувчиси бўлиб ишлаган, 1971-йилдан Тошкентдаги „Ленин байроғи“ газетасининг Самарқанд бўлими мухбири бўлиб ишлаган. Самарқанд вилоят радиосининг қрим-татар эшиттиришлари бўлимига раҳбарлик қилган. 1989-йилда шоир Қримга қайтиб келди. У ерда қрим-татар ва рус тилларида нашр этилган „Достлук“ (кейинчалик „Достлук – Қрим“; ҳозир „Қирим“) газетасида муҳаррир ўринбосари лавозимини эгаллади. 1997-йилдан „Юлдуз“ журналининг бош муҳаррири бўлиб ишлаган.
Ёзувчилик фаолияти
Шокир Селим 1963-йилдан ўз асарларини нашр қилишни бошлаган. Селимнинг биринчи шеърий китоби 1971-йилда, кейин яна 7 таси нашр этилган.1992-йилда шоир Украина Миллий Ёзувчилар уюшмасининг 30 га яқин аъзоларини бирлаштирган Қрим-татар ёзувчилар кенгашини бошқарган. Селим шеърий фаолияти билан бир қаторда қрим-татар тилига адабий таржималар билан ҳам шуғулланган.
Шеърий тўпламлари
- „Акбардак“ (1971)
- „Севги Алеви“ (1978)
- „Дуигуларим“ (1975)
- „Уянув“ (1982)
- „Еллерни динле“ (1986)
- „Тюшунде“ (1997)
- „Қиримнома“ (2006)
- „Кйримнаме ИИ“ (2008)
Таржималари
Селим А. С. Пушкиннинг („Кавказ асири“), М.Лермонтовнинг (шеърлар), Т.Шевченконинг („Катерина“), А. Мицкевичнинг („Қрим соннетлари“) асарларини қрим-татар тилига таржима қилган. Қрим-татар драма театрида унинг таржимасидаги бир қатор спектакллар қўйилган: Н.Гоголнинг „Никоҳ“, Шекспирнинг „Макбет“, Мустай Каримнинг „Ойли тунда“.
Вафоти
Шокир Селим 2008-йил 18-ноябрда Симферополда вафот этган[1].
Мукофотлари
- Қрим Автоном Республикаси Олий Кенгаши Президиумининг Фахрий ёрлиғи (1997)[2]
Манбалар
- ↑ „18 НОЯБРЯ – ДЕНЬ ПАМЯТИ КРЫМСКОТАТАРСКОГО ПОЭТА ШАКИРА СЕЛИМА“. www.cримеа-неwс.инфо. Қаралди: 7-сентабр 2023-йил.
- ↑ „О награждении Почётной грамотой Президиума Верховного Совета Автономной Республики Крым“. Верховна Рада України. Законодавство АР Крим (1997-йил 18-август). 2022-йил 23-майда асл нусхадан архивланган. Қаралди: 2022-йил 23-май.