Shreder ertagisi

Шредер эртагиси (чиллакиси) - хўраки узум нави. Шарқий экологикгеографик навлар гуруҳига киради. Боғдорчилик, узумчилик ва виночилик илмий текшириш институтида эркин чангланган дурагай уруғлардан олинган ниҳоллардан танлаб чиқарилган (М.М. Мирзаев). Академик Р.Р. Шредер шарафига унинг номи билан аталган. Тупи кучли ўсади. Гули икки жинсли. Узум бошлари йирик (400—450 г гача), кенг конуссимон, ўртача тиғиз. Ғужумлари йирик (1820 мм) овалсимон, баъзан учи йўғонлашган, тўқ қизил, учи бинафшаранг, эти тиғиз, карсиллайди, майин, хушбўй, мазали. Таркибида қанд миқдори 18-19%, нордонлиги 6—8%. июл бошларида пишиб етилади. Ҳосилдорлиги 120—150 с/га. Ўзбекистоннинг барча вилоятларида экилади.