Shtern tajribasi

Файл:Қуантум спин анд тҳе Стерн-Герлач эхперимент.огв Штерн тажрибаси - газ молекулаларининг иссиқлик ҳаракати тезлигини аниқлайдиган тажриба. О. Штерн амалга оширган (1920). Газларнинг кинетик назарияси асослари тўғрилигини асослаган. Тажрибада сирти кумуш қатлами билан қопланган платина симни электр токи билан қиздирилганда кумуш атомларининг буғланиши натижасида ҳосил бўлган газдан фойдаланилган. Буғланган кумуш атомлари қаршиликсиз ҳаракатланиши учун қиздириладиган сим ҳавоси сўриб олинган идишга жойлаштирилган. Атомлар дастасини ҳосил қилиш учун уларнинг йўлига ингичка тирқишли тўсиқ қўйилган. Кумуш атомлари тирқиш орқали ўтиб, жез пластинага тушган ва тирқиш қаршисида ингичка кумуш из кўринишида ўтирган. Махсус асбоб ёрдамида бутун қурилма жез пластина сиртига параллел йўналган ўқ атрофида катта бурчак тезлик билан айлантирилганда атомлар ҳаракатининг турли тезликларига тўғри келадиган атомлар сони турлича бўлиши сабабли, кумуш из ёйилади ва унинг қалинлиги ҳам турлича бўлади. Қатламнинг энг қалин соҳасига энг катта эҳтимолли тезлик билан ҳаракатланаётган атомлар ўтиради. Тажрибада айнан шу энг катта эҳтимолли тезлик аниқланган ва унинг қиймати назарий ҳисобланган қиймат билан мос тушган


- Стерн-Герлач Эхперимент Жава Апплет Аниматион
- Стерн-Герлач Эхперимент Флаш Модели
- Стерн-Герлач тажрибасининг батафсил тавсифи
- То'г'ри тажриба, ното'г'ри назария: плато.станфорд.эду сайтида Стерн-Герлач тажрибаси
- Спин билан бог'лиқ анимация, иловалар ва тадқиқотлар (Университé Парис Суд)
Бу мақола бирорта туркумга қўшилмаган. Илтимос, мақолага алоқадор туркумлар қўшиб ёрдам қилинг. (Апрел 2024) |