Shtolnya

Штолня (нем.) - кончилик ишларида фойдаланиш учун белгиланган, ер юзасига чиқиш йўлига эга бўлган, ён бағир бўйлаб қазилган горизонтал кон иншооти. Сув оқиши учун бироз қиялаб ўтказилади. Ш.лар разведка жараёнида ва конни ўзлаштиришда ишлатилади. Уларнинг шакли, кўндаланг кесимининг ўлчами ва мустаҳкамлагич типи тоғ геологияси ва тоғтехник шароитларига қараб танланади. Ш.лар мақсадига кўра транспортли, шамоллатувчи ва сув оқизиб чиқарувчиларга бўлинади.