Siniyju

Siniyju, Siniychju — KXD Rdagi shahar, mamlakatning shimoli-gʻarbiy qismida, Amnokkan daryosi boʻyida. PxyonanPukto provinsiyasining maʼmuriy markazi. Aholisi 290 ming kishi (1990y.lar oʻrtalari). Transport yoʻllari tuguni. Sariq dengizning Gʻarbiy Koreya qoʻltigʻi sohilidagi dengiz porti. Transport yoʻli koʻprigi orqali Dandun sh. bilan bogʻlangan. S. — mamlakatning yirik yengil sanoat markazi. Toʻqimachilik, konpoyabzal, tikuvchilik, parfyumeriya sanoatlari rivojlangan. Mashinasozlik, kimyo (plastmassa, sintetik tola va boshqalar), oziq-ovqat, sellyulozaqogʻoz, yogʻochsozlik, farmatsevtika va qurilish sanoati korxonalari, shahar yaqinida ogʻir mashinasozlik korxonasi bor.