Sintetik tillar

Синтетик тиллар (юн. сйнтҳетикос — қўшилувчи, бирикувчи) — тилларнинг типологик синфи; бунда бир сўз таркибида бир қанча морфемалар (лексик, сўз ясовчи ва сўз ўзгартирувчи), бинобарин, лексик ва грамматик маънолар бирлашадиган, қўшиладиган тиллар. Уларда синтетизмни — сўз ичидаги грамматикани ифодаловчи усулларга ички флексия, аффиксация, сўз такрори, сўз қўшиш ва ургуни киритиш мумкин. Мас, ўзбек тилидаги „ишчиларга“ сўз шакли синтетик ҳолатда бўлиб, унда ҳам лексик (иш ва чи), ҳам грамматик (лар ва га) маънолар ифодаланган. Ст. синтетизмнинг борйўқлиги жиҳатидан аналитик тилларга, ортиқкамлиги жиҳатидан полисинтетик тилларта. қарши қўйилади. Пекин Ст. билан аналитик тиллар орасига катъий чегара қуйиб бўлмайди, чунки Ст. маълум даражада аналитик усул воситаларидан, аналитик тиллар эса синтетик усул воситаларидан фойдаланади. Ст. флектив ва агглютинатив тилларнм ўз ичига олади. Қад. ёзувли ҳиндевропа тилларидан санскрит, қад. юнон, лотин, кад. славян тиллари, ҳозирги рус, литва, немис тиллари соф, намунали Ст. ҳисобланади; туркий, мўғул, сом, фин-угор тиллари ҳам кўплаб синтетик шаклларга эга бўлсада, уларда бир қатор аналитизм белгилари ҳам учрайди.

Тилшунослик типология

Морфологик типология
Аналитик тиллар Аморф тиллар Синтетик тиллар Флектив тиллар Агглютинатив тиллар Полисинтетик тиллар Олигосинтетик тиллар
Сўз тартиби

Исроил Пўлатов.

Яна қаранг

• Аналитил тиллар