Sintob oltin koni

Синтоб олтин кони - Нурота тоғларининг шимолида Синтобсойнинг чап соҳилида жойлашган. 1934—35 йилларда очилган. 2000-йилдан кейин кенг қамровли қидирув ишлари бошланган. Кон майдони герсин даврида ҳосил бўлган Шимолий Нурота брахиантиклиналининг марказий қисмида, бесапан свитасининг қумтошсланецли ётқизиқларидан, қуйи карбоннинг қора углеродли қумтош ва алевролитли қалин қатлами билан қопланган қуйи девоннинг карбонатли жинсларидан тузилган ва бу ётқизиқлар ўрта карбоннинг оҳактошлари билан ёпилган. Олтинсулфидли минерализация гидротермал генезисга мансубдир. Рудалар ҳосил бўлиши кварсланиш, серицитланиш, карбонатланиш каби ўзгаришлар билан боғлиқ. Рудалари қатламлар орасида томирлар шаклида жойлашган. Руданинг маҳсулий таркиби: галенит, сфалерит, хира рудалар, куприт, олтин, аргентит, соф кумуш, халкопирит, пирит, лимонит, малахит, азурит, ковелин, халкозин, серуссит, рух охраси, соф мис, буланжерит, арсенопирит, шеелит. Асосий фойдали компонентлар — Аи (ўртача таркиби 4,0 г/т), Аг( 200 г/т), WО,(0,011,2%). Кон қадимдан маълум бўлиб, 5—7 ва 9— ХИИ асрларда руданинг ер юзасига яқин қисмлари бутунлай қазиб олинган.