Slam
Слам ёки сламданcинг (слем, слемденсинг деб талаффуз этилади; ингл. слам — урмоқ, мажақламоқ, данcинг — рақсга тушмоқ) пунк роcк, ҳардcоре ва ҳеавй метал консертларидаги рақс тури бўлиб, унда тингловчилар бир-бирларига урилишиб, бир-бирини итариб ҳаракат қилишади. Одатда, слам’дагилар ҳеадбанг ҳам қилишади.
Тарихи
Слам 1970-йилларда Лос Анжелес пунк роcк консертларида пайдо бўла бошлади. Лекин 1980-йилларга келибгина, у ҳеавй метал томошалари билан кенг тарқала бошлади. Аввалига мураккаб бўлган слам бугунги кунга келиб оддийгина консертдошларни итариб, туртиб-суртишга айланиб кетди.
Бошқа номлари
Ушбу рақс Европа ва Шимолий Америкада мош, Туркияда пого, МДҲ мамлакатларида слам, деб аталади.
Қоидалари
Слам бетартиб фақатгина туртинишлардан иборат эмас. Унинг ўзига хос қоидалари бор, масалан, йиқилган одамнинг туришига кўмаклашиб юбориш, тушириб қолдирилган ашёларни (қалпоқ, пояфзал каби) эгаларига қайтариш ва ҳк. Слам’дан жанжал чиқариш учун фойдаланиш мумкин эмас, бу фақатгина кўнгилхушлик мақсадидаги рақсдир.
Танқид
Тҳе Смашинг Пумпкинс каби баъзи гуруҳлар слам’га қарши чиқадилар. 1996 йили Смашинг Пумпкинс консертида (Дублин, Ирландия), 17 ёшли Бернадетте ЎБриэн исмли слам’да қаттиқ жароҳатланиб, касалхонда вафот этганди. Смашинг Пумпкинс вокалисти Биллй Cорган кейинчалик интервю пайтида шундай деган:
Мен сизга бир нарсани айтиб қўймоқчи эдим, коллежлик қовоқкаллалар. Мен сиз ва сизга ўхшаган одамларнинг атрофдагиларни бундай туртиб-суртишларни етти йил мобайнида кузатиб келмоқдаман. Ва биласизми нима? Ҳар доим бир хил манзара. Бундай шароитда, бундай оломон орасида бу қилиқларингиз атрофдаги одамларга ноқулайлик туғдиришини тушуниб етишингизни истар эдим. Мен ва биз, бундан буён слам’га қарши чиқишимизни эълон қиламиз!