Somalilend shillingi

Сомалиленд шиллинги (сомалича: Соомаалиланд шилин) — ўзини ўзи эълон қилган давлат, Сомалиленд Республикасининг расмий пул бирлиги, 1991-йилдан бери де-факто мустақил.

Валюта 1994-йил 18-октабрда бир шиллинг = 100 Сомали шиллинг курси бўйича муомалага киритилган. Сомали шиллингининг Сомалиленднинг расмий пул бирлиги сифатида муомаласи 1995-йил 31-январда тўхтатилган. Расмий равишда, шиллинг 100 сентга тенг, аммо сентларда пул бирликлари ҳеч қачон чиқарилмаган.

Банкноталар

Муомалада турли йиллардаги 5, 10, 20, 50, 100, 500, 1000 ва 5000 шиллинглик банкноталар мавжуд. 500 шиллингдан кам бўлган банкноталар муомалада амалда қўлланилмайди.

Тангалар

1994-йилда алюминий 1 шиллинг тангалар Буюк Британиядаги хусусий Побжой Минт зарбхонаси томонидан ишлаб чиқарилган. 2002-йилда иккита алюминий 5 шиллинг, латун 10 шиллинг, пўлат 20 шиллинг ва кумуш 1000 шиллинг танга чиқарилди. 2006 йилда зодиак белгиларини акс эттирувчи 12 серия 10 шиллинг пўлат тангалар чиқарилди.

Аслида, муомалада тангалар ишлатилмайди.

Муомала курси

Сомалиленд пойтахти Харгейсадаги кўчадаги пул алмаштирувч саррофлар

Мамлакат марказий банки валюта айирбошлаш хизматини тақдим этади, бироқ аҳолининг аксарияти қулайроқ курсни таклиф қилувчи кўча саррофларининг хизматларидан фойдаланади. 2000-йил ноябр ойида Сомалиленд шиллингининг курси бир АҚШ долларига 4550 шиллингни ташкил этди. Норасмий валюта курслари бир АҚСҲ долларига 4000 дан 5000 шиллинггача ўзгариб турарди.

2007-йил феврал ҳолатига кўра, Сомалиленд Марказий банкининг расмий курси бир АҚШ долларига 6000 шиллингни ташкил этди. Норасмий курс АҚШ долларига нисбатан 6000 дан 6500 шиллинггача эди. 2010-йилга келиб валюта курси бир доллар учун 8000 шиллингни, 2017-йилда бир доллар учун 9000 шиллингни ташкил этди.

Кўп сонли банкнотлардан фойдаланиш зарурати туфайли нақд пул саноқ тўловларнинг ноқулайлиги шиллингнинг бошқа валюталар (биринчи навбатда, АҚШ доллари ва эвро), шунингдек, мобил телефон тўлов тизимлари орқали тўловлар томонидан муомалада сезиларли даражада сиқиб чиқарилишига олиб келди.

Адабиётлар

• Мичаэл Т.. Стандард Cаталог оф Wорлд Cоинс 1901—2000, 45-е изд, Иола: Краусе Публиcатионс, 2017. ИСБН 978-1-4402-4797-2. 
• Мичаэл Т.. Стандард Cаталог оф Wорлд Cоинс 2001—Дате, 12-е изд, Иола: Краусе Публиcатионс, 2017. ИСБН 978-1-4402-4798-9. 
• Счмидт Т.Л.. Стандард Cаталог оф Wорлд Папер Моней. Модерн Иссуэс 1961—Пресент, 24-е изд, Иола: Краусе Публиcатионс, 2018. ИСБН 978-1-4402-4859-7.