Soslan Tigiyev

Сослан Тигиев
Медал сони
Ўзбекистон вакили
Эркин кураш
Олимпиада ўйинлари
Жаҳон чемпионати
Жаҳон кубоги
Осиё ўйинлари
Осиё чемпионати

Сослан Вазноевич Тигиев
Шахсий маълумотлари
Жинси	эркак
Фуқаролиги	Россия → Ўзбекистон
Таваллуд санаси	1983-йил 12-октябр (43 ёш); Владикавказ, Шимолий Осетия, РСФСР
Бўйи	175 см
Вазни	74 кг
Мукофотлар
Спорт
Мамлакат	Ўзбекистон
Қайси спорт	Эркин кураш

Сослан Вазноевич Тигиев (осетин: Тыджыты Вазнойы фырт Сослан ; 1983-йил 12-октябр куни Шимолий Осетиянинг Владикавказ шаҳрида туғилган) – осетиялик эркин курашчи, мусобақаларда Ўзбекистон номидан иштирок этади, эркин кураш бўйича Жаҳон кубоги соҳиби, 2008-йили Пекин ва 2012-йилги Лондон Олимпиадаларининг кумуш ва бронза медаллари эгаси. Халқаро тоифадаги спорт устаси.

Ҳаёти

1983-йил 12-октябр куни Шимолий Осетиянинг Владикавказ шаҳрида, Тигиевлар оиласида, эгизак акаси Батраз билан бирга туғилган. Эгизаклар ёшлигидан ҳаракатчан бўлишган ва онаси уларни бир йилдан бери болакайларнинг акаси – Таймураз шуғулланаётган эркин кураш тўгарагига топширишга қарор қилган. 1998-йили Сослан Москвадаги Бутунжаҳон ўсмирлар ўйинларида бронза медалини қўлга киритади, бироқ шу мусобақадан сўнг, жароҳат сабаб фаолиятида узилиш юзага келади. 2005-йилдан эътиборан яна катта спортга қайтган Сослан мусобақаларда кетма-кет ютуқларга эриша бошлайди. 2006—2010-йиллар давомида – Шимолий Осетия давлат Аграр университетида таҳсил олди.

Спорт фаолияти

Сосланнинг фаолияти нисбатан яхши кечади. У 2005-йилдан бери Ўзбекистон номидан халқаро мусобақаларда иштирок этиб келади. Шу йили Уханда бўлиб ўтган Осиё чемпионатида иккинчи ўринни олади.

2006-йил Украина давлатида ўтказилган халқаро турнирда 1-ўрин, Россия Федерацияси давлатида ўтказилган халқаро турнирда 3-ўринларни эгаллаган.

2006-йили эса Гуанчжоуда бўлиб ўтган жаҳон чемпионати ва Доҳада бўлиб ўтган Осиё ўйинларида бронза медалларни қўлга киритади. Шу йили, Тошкент шаҳрида ўтказилган „Мустақиллик Кубоги“ халқаро турнирида 3-ўринларни эгаллаган.

2007-йили Красноярскда бўлиб ўтган жаҳон чемпионатида биринчи ўринни қўлга киритади.
2008-йил Швейсария давлатида ўтказилган Олимпиада ўйинларига йўлланма берувчи халқаро турнирда олтин медални қўлга киритиб, Олимпиада ўйинларига йўлланмасига эга бўлди.

2008-йили Пекинда бўлиб ўтган Олимпада ўйинларида кумуш медал эгасига айланади.

2009-йили эса Бокуда ўтказиган „Голден Гранд Прих“ мусобақаси ғолибига айланди. 2012-йили эса Лондонда ўтказилган Олимпиада ўйинлари бронза медал эгасига айланди.

2008-йил август ойида Хитойнинг Пекин шаҳрида ўтказилган ХХИХ-ёзги Олимпиада ўйинларида муносиб иштирок этиб 2- ўрин.

2012-йил Англиянинг Лондон шаҳрида ўтказилган 2012 Ёзги Олимпия ўйинларида 3-ўринни эгаллади.

Мукофотлари

2006-йилдан эркин кураш бўйича Ўзбекистон миллий терма жамоаси аъзоси. Эркин кураш бўйича халқаро тоифадаги спорт устаси.
2008-йили Ўзбекистон Республикасида хизмат кўрсатган спортчи фахрий унвони.
2012-йил Ўзбекистон ифтихори фахрий унвони билан тақдирланган^[1].

Дисквалификация

7-ноябр куни Ассоcиатед Пресс ахборот агентлиги иккита манбага асосланиб, Сослан Тигиевнинг организмидан тақиқланган метилгексанамин моддаси топилгани ва 2012-йилги Лондон Олимпиадаси медалидан маҳрум этилиши ҳақида хабар тарқатди^[2]. Шу куни Халқаро Олимпия Қўмитаси ушбу хабарни тасдиқлади^[3].

Манбалар

↑ Ўзбекистон Республикаси Президентининг Фармони, 2012-11-01да асл нусхадан архивланди, қаралди: 2012-11-09
↑ Ўзбекистонлик Олимпиада совриндорининг организмидан тақиқланган модда топилди (Wайбаcк Мачине сайтида 2012-11-08 санасида архивланган), Кун.уз, 2012-йил 7-ноябр.
↑ Сослан Тигиэв расман Олимпиада-2012 медалидан маҳрум қилинди (Wайбаcк Мачине сайтида 2012-12-12 санасида архивланган), Кун.уз, 2012-йил 8-ноябр.

[1] Ўзбекистон Республикаси Президентининг Фармони, 2012-11-01да асл нусхадан архивланди, қаралди: 2012-11-09

[2] Ўзбекистонлик Олимпиада совриндорининг организмидан тақиқланган модда топилди (Wайбаcк Мачине сайтида 2012-11-08 санасида архивланган), Кун.уз, 2012-йил 7-ноябр.

[3] Сослан Тигиэв расман Олимпиада-2012 медалидан маҳрум қилинди (Wайбаcк Мачине сайтида 2012-12-12 санасида архивланган), Кун.уз, 2012-йил 8-ноябр.

[1]

[2]

[3]