Spinor hisobi

Спинор ҳисоби - математиканинг махсус табиатли миқдорлар — спинорлар хоссаларини ўрганувчи бўлими. Спинор компонентлари вектор, тензор ва бошқа тушунчалар каби координаталар тизими ўзгартирилганда маълум қонунга бўйсунади. Масалан, координаталар тизими бирор тўғри чизиқ атрофида 2л га бурилса, спинорнинг барча компонентлари ишораси ўзгаради.

Спинор тушунчасини 1913-йилда франсуз олими Э. Картан гурухдарни тасвирлаш назариясига оид тадқиқотларида киритган. 1929-йилда немис математиги Б. В. Варден электроннинг спин ҳодисасини ўрганишда бу тушунчаларни мустақил кашф этиб, "спинор" атамасини киритган. Спинор ҳисоби да ковариант ва контрвариант спинорлар, спинорлар устида амаллар, валентлик ва бошқа тушунчалар текширилади.

Спинор ҳисоби квант механика, кимёвий валентлик назарияси, Риман геометрияси ва бошқа соҳаларда қўлланади.