Stanislav Kalesnik

Станислав Викентевич Калесник [1901.10(23).1 — Петербург— 1977.13.9] — рус глясиологи ва табиий географи. Россия Фанлар Академиясининг академик (1968). Санкт-Петербург университетини тугатган (1929). Шу университетда табиий география кафедраси мудири (1950-йилдан). Кўлшунослик институти директори (1955-йилдан). Илмий ишлари умумий ер билими, ландшафцҳунослик, глясиология, шунингдек, Марказий Тяншан ва Жунгария Олатови геоморфологияси назарий масалаларига бағишланган. Табиий географияга хионосфера, муз босиш энергияси, географик структура каби янги тушунча ва терминларни киритган. 1964-йилдан Россия география жамияти раиси, 1968—72 йилларда Халқаро география иттифоқи вицепрезиденти. Краков ва Финландия (Турку) университетларининг фахрий доктори. К. номига Орка Или, Жунгария Олатови ва Қутбий Урал тоғларидаги музликлар қўйилган.

Адабиётлар

• Обшая глясиология, Л., 1939;
• Основи обшего землеведения, 2-е изд., М., 1955;
• Умумий ер билими қисқа курси, Т., 1967;
• Обшие географические закономерности Земли, М., 1970.