Starazagora

Старазагора — Болгариядаги шаҳар, Средна-Гори тоғларининг жан. ён багрида. Аҳолиси 143,9 минг киши (2001). Транспорт йўллари тугуни. Қишлоқ хўжалиги раёни маркази. Машинасозлик (станоксозлик, саноат роботлари, озиқовқат саноати учун ускуналар, электрон ҳисоблаш техникалари ишлаб чиқариш.), тўқимачилик, тикувчилик, озиқовқат, тамаки, мебел саноати корхоналари бор. Шаҳар яқинида йирик кимё комбинати қурилган. С. қадимда Берое, АвгустТраян, Эски Зафа (туркча) деб аталган. 1877—78 йлардаги Россия— Туркия урушида вайрон бўлиб, кейинчалик қайта тикланган.