Starter

Стартер (инг. стартер — ишга тушириш) — 1) ички ёнув двигателинп юргизиб юбориш учун мўлжалланган мослама ёки агрегат. Энергия манбаига кўра, электр, пневматик, гидравлик ва бошқа, иш принсипига қараб, инерсион, тўғри ишлайдиган ва комбинацион С.ларга, ишлатиш воситасига қараб, электр турбинали, пневматик, гидравлик ва бензинли С.ларга бўлинади. Автотрактор двигателлари электр С. билан, самолёт двигателлари эса пневматик, электр С. билан юргизиб юборилади. Инерсион С.да маховик айлантирилиб, бунда тўпланган энергия асосий двигател валини (С. валининг асосий двигател валига тишлаштириш йўли билан) буради. Тўғри ишлайдиган С. асосий двигател валини бевосита айлантиради. Электр С. (раемга қ.) электр двигател, редуктор, двигателнинг асосий вали билан тишлашадиган ва ажратадиган мосламадан иборат; айланиш тезлиги катта (13000 айлҒмин гача) бўлади. Турбинали С.да турбинадан двигател сифатида фойдаланилади; қуввати 110—300 кВт (150—400 о.к.)га тенг. Гидравлик ва пневматик С, одатда, насос ёки компрессорлардан иборат; 2) ёруғлик техникасида люминессент лампаларни ёндирадиган қурилма.