Stepan Ilyin
Степан Петрович Илйин (1915-йил 2-август –1993-йил 2-ноябр) – Совет Армияси катта сержанти, Улуғ Ватан уруши қатнашчиси, Совет Иттифоқи Қаҳрамони (1943).
| Степан Илйин | |
|---|---|
| Таваллуди |
2-август 1915-йил Россия империяси |
| Вафоти |
2-ноябр 1993-йил Тошкент, Ўзбекистон |
| Фуқаролиги |
 СССР |
| Хизматдаги йиллари | 1942–1946 |
Биографияси
Степан Илйин 1915-йил 2-августда Акмолинская вилояти Кривоозёрное қишлоғида таваллуд топган. У мактабнинг етти синфини тамомлаган. 1942-йил январ ойида Қизил Армияси сафига чақирилган. Ўша йилнинг апрел ойидан бошлаб Улуғ Ватан уруши фронтида қатнашган. Катта сержант Степан Илйин 1943-йил октябр ойига келиб Марказий фронтнинг 69-пиёда дивизиясининг 99-муҳандислик баталёнининг бир қисмига қўмондонлик қилган[1].
Илйин 1943-йил 15-октябрда отряди билан Белоруссия ССРнинг Гомел вилояти, Лоевский тумани, Лоев қишлоғи яқинида Днепрни кесиб ўтган ва унинг ғарбий қирғоғидаги жангларда фаол иштирок этган[2]. Урушда немисларнинг бир нечта қарши ҳужумларини қайтарган ва Днепрда учта милтиқ взводига бошчилик қилган.
СССР Олий Кенгаши Президиумининг 1943-йил 30-октабрдаги фармони билан „Немис босқинчиларига қарши кураш фронтида қўмондонликнинг жанговар топшириқларини намунали бажаргани, кўрсатган жасорати ва қаҳрамонлиги учун“ катта сержант унвони билан тақдирланган. Степан Илйин Ленин ордени, „Золотая Звезда“ медали ва Совет Иттифоқи Қаҳрамони унвони билан тақдирланган.
Илйин 1946-йилда демобилизация қилинди. 1960-йилда мелиоратив техникумни тамомлаган, сўнгра муҳандис-гидравлик бўлиб ишлаган. Степан Тошкентда истиқомат қилган[3].
1993-йил 2-ноябрда Ўзбекистон пойтахти Тошкент шаҳрида вафот этган ва Тошкент ҳарбий қабристонидаги Қаҳрамонлар хиёбонига дафн этилган.
Шунингдек, Степан 1-даражали Ватан уруши ордени соҳиби бўлган. Бундан ташқари „За отвагу“ медали ва бошқа бир қатор медаллар билан тақдирланган.
Манбалар
- ↑ „Степан Илйин“ (ру). Герои страны.
- ↑ „Илин Степан Петрович“. Қаралди: 2023-йил 15-ноябр.
- ↑ „ИЛЬИН СТЕПАН ПЕТРОВИЧ“. 2023-йил 15-ноябрда асл нусхадан архивланган. Қаралди: 2023-йил 15-ноябр.