Sulola

Сулола — муайян уруғдан, авлоддан тарқалган, ворислик, валиаҳдлик ҳуқуқига эга бўлган, асосан, бирин-кетин тахтга ўтирган подшолар, амирлар ва хонлар насли ёки бирор оқсуяк оилалар ота авлодидан ҳозиргача бўлган сулола вакиллари тарихи, бир оиладан бўлган ҳукмдорлар кетма-кетлиги, одатда монархия тузуми шароитида, лекин ба’зан республикаларда ҳам пайдо бўлади. Сулолани „уй“, „оила“ ёки „клан“ деб ҳам аташ мумкин. Сулолаларга аббосийлар, ахоманийлар, бувайҳийлар, сомонийлар, манғитлар, ғазнавийлар ва бошқалар мисол бўлади.

Тарихчилар кетма-кет сулолалар доирасидан фойдаланган ҳолда Қадимги Эрон (милоддан аввалги 3200 – 539-йиллар), Қадимги Миср (милоддан аввалги 3100 – 30-йиллар), Қадимги ва Император Хитой (милоддан аввалги 2070 – милодий 1912-йиллар) каби кўплаб давлатлар ва сивилизациялар тарихини даврийлаштирадилар. Шундай қилиб, „сулола“ атамаси оила ҳукмронлик қилган даврни чегаралаш учун ишлатилиши мумкин.