Sulton Ali Mirzo
| Султон Али Мирзо |
|---|
Султон али мирзо (1483 1500) — Мовароуннаҳр ҳукмдори (1498—1500). Темурийлардан. Султон Махмуд Мирзонинг 3ўғли. Онаси — Зуҳра бегим. Отасининг вафотидан сўнг Қарши вилояти ҳокими бўлиб, кейинчалик акаси Бойсунғурдан Бухорони (1497 й. декабр), Бобур эса, Самарқандни тортиб олган. Бобур ота мерос шаҳар душман қўлига ўтиши ҳақида хабар топиб, бекларидан бирини Самарқандда қолдириб, Андижон томон юрган. Бундан фойдаланган С. А. М. Самарқандни ишгол қилади (1498-йил феврал—март). 1499 йилда С. А.М. билан Муҳаммад Мазид тархон орасида низо вужудга келади. Тархонлар Мовароуннаҳрда катта нуфузга эга эдилар (қаранг Дархон). Мазид тархон Самарқанд ва унинг атрофидаги мулкларни ўз ўғиллари, қариндошуруғлари ва яқин кишилари ихтиёрига бериб қўйган эди. С. А.М. тахтга муқим ўрнашиб олгач, Мазид тархонга қарши сиёсат юритади. Натижада Мазид тархон Самарқанддан чиқиб кетади. Шунда Тошкент ҳокими Султон Маҳмудхон жияни Хон Мирзони (Мирзохон, С. А.М.нинг укаси) мўғул қўшинлари билан Самарқандни забт этишга жўнатади. С. А.М. Самарқанд ташқарисида, Ёряйлоқда бўлган жангда ғолиб чиқади. Онаси Зуҳра бегимнинг нодонлиги туфайли ёзилган мактуб сабаб Шайбонийхон Самарқандни жангсиз эгаллайди (1500). С. А.М. Қўлба яланглигида қатл этилади.
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |