Svita

Свита (геологияда) — бирор раённинг геологик кесимида асосий регионал стратиграфик аҳамиятга эга бўлган таксонометрик бирлик, чўкинди, вулканоген ёки метаморфик тоғ жинслари катламлари мажмуи. Таркибига кўра, бир хил жанслардан, баъзида турли типдаги жинсларнинг кетма-кетлигидан иборат бўлади. С.нинг чегаралари баъзан умумий стратиграфия шкаласи чегарасидан фарқ қилиши мумкин, лекин унинг ичида стратифафик номуносиблик бўлмайди. Горизонтал йўналишда С. структурафациал зона ёки геологик регион ҳамда чўкинди йиғилиши ҳавзаси чегаралари билан ажратилади. С.нинг ёши энг тўлиқ бўлган кесим (стратотип) ёки бир нечта кесимлардан (улар бир биридан фарқ қилиши мумкин) аниқланади. С.лар юқори, ўрта, қуйи каби кичик свиталарга бўлинади, улар номига геофафик жойнинг номи қўшиб айтилади. Бир нечта Слар серияга бирлаштирилади.