Taşmedrese
Taşmedrese (soʻzma-soʻz tarjimasi — „Tosh madrasa“, shuningdek, Halkalı madrasa deb ham ataladi) – Turkiyaning Akshehir shahridagi XIII asrga oid diniy majmua.
| Masjid | |
 | |
| Majmuaga kirish qismi | |
| Mamlakat |  Turkiya
|
| Hudud | Markaziy Anadolu mintaqasi, Konya (viloyat) |
| Shahar | Akshehir |
| Koordinatalar | 38°21′36″N 31°24′34″E / 38.36000°N 31.40944°E |
| Yoʻnalishi | sunniylik |
| Binokorlik sanasi | 1250-yil |
| Minoralar soni | 1 |
| Minoralar soni | 1 |
| Holati | amaldagi |
Bino Konya viloyatining Akshehir shahrida joylashgan.
Majmua Koʻniya sultonligi vaziri Sohip Ota tomonidan qurdirilgan. Nomidan ham koʻrinib turganidek, bino dastlab madrasa sifatida 1250-yilda bunyod etilgan. Keyinchalik masjid, imaret (oshxona), xonaqoh, favvoralar qurilib, diniy majmuaga aylantirilgan. Bugungi kunda majmuada faqatgina madrasa, 1261-yilda qurilgan masjid va qabr mavjud. 1965-yilda muzey sifatida ochilgan, 1986-yilga kelib esa majmua sifatida qayta tiklangan[1].
Binoning toʻrtta ayvonli ochiq hovlisi mavjud. Talabalar xonalari va sinf xonalari hovli atrofida joylashgan. Hovli atrofidagi ayvonlarni qoʻllab-quvvatlovchi marmar ustunlar avvalgi Vizantiya binosidan olingan materiallardan yigʻilgan. Marmardan qurilgan kirish qismi esa zamonaviy koʻrinishda rekonstruksiya qilingan[2]. Binoning eng qiziqarli jihatlaridan biri ikki qavatli şerefe (balkon)ga ega minorasi boʻlib, Saljuqiylar davrida bunday uslub kam uchraydigan holat edi[3].
Manbalar
- ↑ Islam Encyclopaedia (turkcha)
- ↑ „Enderun page (turkcha)“. 2019-yil 27-oktyabrda asl nusxadan arxivlangan. Qaraldi: 2025-yil 20-fevral.
- ↑ „NKFU page (turkcha)“. 2021-yil 18-yanvarda asl nusxadan arxivlangan. Qaraldi: 2025-yil 20-fevral.