Tantia topi

Тантиа топи (лақаби, асл исми Рамчандра Пандуранг) (тахминан 1814— 1859.18.4) - 185759-йиллардаги Ҳиндистон қўзғолонининг ҳарбий раҳбарларидан бири. Асосан, Канпур, Бунденкханд, Ражпутана ва Гвалиор вилоятларида (Лакшми Баи билан биргаликда) қўзғолончиларга бошчилик калган. Миллати маратҳ бўлган Т.Т. браҳман оиласида туғилган. Ёшлигида Нана Соҳибнинт дўсти бўлган. Нана Соҳиб инглизларга қарши кўтарилган сипоҳийлар қўзғолонига қўшилганда унинг сафдоши, ҳарбий отрядлардан бирининг командири. Т.Т.нинг ҳарбий иқтидори қўзғолон марказларидан бири — Канпур қулагач (1857-йил июл), намоён бўлган. У гвалиорлик қўзғолончиларга бош бўлиб, инглизларнинг генерал Уиндхем раҳбарлик қилган ҳарбий кисмини тормор этган (1857-йил 28 ноябр). Гвалиор яқинида инглизларнинг генерал Роуз қўмондонлигидаги армиясидан мағлубиятга учрагач, Деканга кетиб партизанлик уруши олиб борган. Унга хиёнат қилган гвалиорлик заминдор Ман Сингҳ томонидан инглизларга тутиб берилиб қатл этилган.