Taqachi mahallasi
Taqachi mahallasi (Mannon Uygʻur koʻchasi, 570) – Oʻzbekiston Respublikasi Toshkent shahar Uchtepa tumanidagi mahalla. Koʻrkamobod, Oqmasjid, Beshqayragʻoch, Hayratiy, Latifguzar, Hojiobod mahallalari bilan chegaradosh.[1] 1950-yillarda bu hududda sholi, bugʻdoy ekilgan, uzumzor boʻlgan. Teatr 1966-yildagi zilziladan soʻng Taqachi mahallasining Oloy bozori, Shivli mavzeidagi aholiga shu hududdagi yer ajratib berilgan. „Taqachi“ mahallasi hozirgi Koʻrkamobod mahallasi bilan qoʻshilib Oybek mahallasi deb yuritilgan. Keyinchalik mahalla 5 ga boʻlinib, 2005-yilda „Taqachi“ nomi bilan atala boshlagan. Aholisi 4 678 kishi, asosan, oʻzbeklar, shuningdek, 10 ga yaqin millat vakillari yashaydi. Mahalla hududida oʻrta maktab, bolalar bogʻchasi, makaron sexi, „Maxsus ish kiyim“ korxonasi, „Mehrli savdo“ firmasi va boshqalar mavjud.[2]
Maydoni 33,2 gektar.[1]
Manbalar
- ↑ 1,0 1,1 „“Toshkent shahrining Uchtepa tumanidagi mahallalarning aniq chegaralarini belgilash to‘g‘risida”gi Xalq deputatlari Toshkent shahri kengashining VI-107-144-14-0-K/24 sonli qarori“ (oʻzbekcha). kengash.gov.uz. Oʻzbekiston hukumati (2024-yil 4-sentabr). Qaraldi: 25-aprel 2025-yil.
- ↑ Toshkent. Ensiklopediya, 2009-yil.