Taypindao

Taypindao — milodiy ikkinchi asrda daochilik tarkibida paydo bo‘lgan oqimlardan biri. Xitoycha „buyuk tenglik taʼlimoti“ maʼnosini bildiruvchi mazkur oqim asoschisi Chjan Szue hisoblanadi. U xalq orasida sehr-jodu orqali barcha kasalliklarni tuzatuvchi hamda kishi umrini uzaytiruvchi shaxs sifatida shuhrat topadi. U o‘z atrofiga tarafdorlarini yig‘a boshlaydi. Chjan Szue insonlarni 36 jangovor guruhga bo‘ladi. Katta guruhlarga "da fan " -sehrgarlar, kichik guruhlarga "syao fan " — kichik sehrgarlar boshliq etib tayinlangan. Sektaning yuqori boshlig‘i Chjan Szue („Buyuk osmon rahnamosi“) sanaladi. Uning ikki ukasi „Buyuk yer rahnamosi“ va „Buyuk inson rahnamosi“ deb talqin qilinadi. Mazkur uchtalik bu dindagi — osmon, Yer va inson birligining ramziy timsolidir. Sekta taʼlimoti va qarashlari „Taypinszin“ kitobida o‘z ifodasini topgan.

Adabiyotlar

• Najmiddinov J., Karimov J., Turdiyeva D.. Dinshunoslik. Qomusiy lugʻat. Imom Buxoriy xalqaro markazi nashriyoti, 2017 — 480-bet. ISBN 978-9943-5105-3-1.