Tebinbuloq vermikulit koni

Тебинбулоқ вермикулит кони — Қорақалпоғистон Республикасининг Султон Увайс тоғларида, Нукус шаҳридан 75 км жан.ғарбда. Кон 1937-йилда кайд этилган. Тебинбулоқ вермикулит коник. қуйи карбон даврига мансуб. Габбропериодитпироксенит интрузив массивининг кучли биотитлашган ғарбий ва шарқий чегаралари бўйлаб узлуксиз ривожланган чизиқсимон синиқчалар зоналари билан боғлиқ емирилиш пўстлоқларида жойлашган. Зоналар уз. 1,2 км, рудаланиш чуқ. 40 м. Алоҳида руда таналарининг уз. 120–450 м, эни эса 18– 220 м бўлиб, вермикулитнинг ўртача миқдори 10—15%. Вермикулит сарғишқунғир тусли холхол, томир, томирчалар ва уларнинг тўпламчалари сифатида биотитли пироксенитларнинг нураш пўстида ҳосил бўлади. Генезиси бўйича кон якунланган магматик жараёнлар билан боғлиқ. Унинг заҳиралари 1 млн.т.дан зиёд. Руда осон бойитилади. Вермикулит иссикликдан изоляция қилувчи материаллар олиш учун ишлатилади. Экологияда — оқар сувларни нефт ва ёғлардан тозалашда самарали фойдаланилмоқда.