Ted Gärdestad
Тед Арнбжöрн Гäрдестад (св; 18-феврал 1956-йил — 22-июн 1997-йил) швед қўшиқчиси, қўшиқлар муаллифи ва актёри. Халқаро миқёсда Тед тахаллуси билан танилган. Гäрдестад актёрлик фаолиятини 1966-йилда бошлаган. 1971-йилдан эса мусиқа билан профессионал равишда шуғуллана бошлаган ва Полар Мусиc билан шартнома имзолаган. У студия продюсерлари Беннй Андерссон ва Бжöрн Улваэус билан ишлаган. Гäрдестад 1971-йил охирида ўзининг илк сингли — „Ҳела вäрлден рунт“ни чиқарган ва АББАнинг тўрт аъзоси билан яқин ҳамкорликда ўзининг дебют албоми „Ундрингар“ни (1972) яратган. У АББАдан ташқари Полар Мусиc компаниясининг энг кўп сотилган яккахон ижрочиси бўлган. 1970-йиллар давомида гуруҳ аъзолари билан ҳамкорликни давом эттириб, „Тед“ (1973), „Упптåг“ (1974) ва „Франска Корт“ (1976) албомларини чиқарди. Ушбу албомлар ўртача тижорий муваффақиятга эришган. 1978-йилда Гäрдестад ўзининг илк инглиз тилидаги албоми — „Блуэ Виргин Ислес“ни чиқарди. Бироқ ушбу албом унинг аввалги албомлари Швецияда эришган муваффақиятни халқаро миқёсда такрорлай олмаган.
| Тед Гäрдестад | |
|---|---|
| Таваллуди |
Тед Арнбжöрн Гäрдестад 18-феврал 1956-йил Соллентуна, Швеция |
| Вафоти |
22-июн 1997-йил (41 ёшда) Соллентуна, Швеция |
| Касби |
|
| Фаолият йиллари |
|
| Болалари | 2 |
| Қариндошлари | Кеннетҳ Гäрдестад (ака) |
|
Мусиқий фаолияти | |
| Чолғулар |
|
1979-йилда Тед ва унинг акаси Кеннетҳ Гäрдестад „Мелодифестивален“ танловида „Сателлит“ қўшиғи билан иштирок этган. Бу танлов Швециянинг Эуровисион қўшиқ танловидаги вакилини аниқлаш учун ўтказилган. Улар ғолиб чиқиб, Қуддусда бўлиб ўтган Эуровисион танловида Швеция номидан қатнашиш ҳуқуқини қўлга киритганлар. Кейинчалик Гäрдестад Мелодифестиваленга яна бир бор қўшиқ тақдим этишга уринган, бироқ муваффақият қозона олмади. Шундан сўнг у мусиқа саноатини тарк этиб, актёрлик фаолиятига эътибор қаратган. 1990-йилларда у Ҳарпо каби бошқа мусиқачилар билан ҳамкорлик қилган. Гäрдестад 1994-йилдан бошлаб кенг кўламли консерт сафарларига чиқди ва 1997-йилда вафотигача фаолиятини давом эттирган. Гäрдестад ҳаётига бағишланган „Тед: Фöр кäрлекенс скулл“ номли биографик филм 2018-йилда экранларга чиқарилган.
Ҳаёти
Тед Арнбжöрн Гäрдестад 1956-йил 18-февралда Соллентунанинг Стокголм ҳудудида Арне ва Маргит Гäрдестад (қизлик фамилияси Сжöҳолм) оиласида туғилган[1][2]. У оиладаги уч фарзанднинг энг кичиги бўлган. Унинг Кжелл ва Кеннетҳ исмли икки акаси бор эди. Теднинг болалик йиллари Соллентунада ўтган[3].
Фаолияти
1962–1974
Тед Гäрдестад мусиқий фаолиятини 1962-йилда бошлаган. У олти ёшида Швеция телевидениесида аккордеон чалиб чиқиш қилган. У актёр сифатида илк дебютини 1966-йилда амалга оширган. Ўша йили „Эн смåстад вид секлец бöржан“ номли телевизион сериалида рол ижро этган. 1970-йилда Гäрдестад Америка филми „Сторй оф а Wоман“да кичик рол ижро этган. Филмда у Биби Андерссон, Роберт Стаcк ва Жамес Фарентино билан бирга суратга тушган. Гäрдестад истиқболли теннисчи ҳам эди. У 14 ёшида Швецияда ўз ёш тоифасида Бжöрн Боргдан кейин иккинчи ўринни эгаллаган. Бир вақтлар профессионал теннисчи бўлишни ўйлаган, бироқ кейинчалик мусиқа соҳасини танлаган. 1971-йилда 15 ёшли Тед ва ундан саккиз ёш катта бўлган акаси Кеннетҳ Гäрдестад Полар Мусиc компаниясига мурожаат қилиб, Стиг Андерсонга демо ёзувни тақдим этганлар[4]. Андерсон кейинчалик АББА гуруҳининг менежери бўлган. Тед мусиқа басталаган ва қўшиқ куйлаган, Кеннетҳ эса унинг куйларига матн ёзган. Бу ҳамкорлик Теднинг бутун фаолияти давомида сақланиб қолган. Шундан сўнг Андерсон Тед билан шартнома тузиб, уни студия продюсерлари Беннй Андерссон ва Бжöрн Улваэусга бириктирган.
Манбалар
- ↑ Миннессида фöр Арне Гäрдестад пå Фонус Миннесалбум
- ↑ „Åрсдаген: Сå дог Тед Гäрдестад 1997“ (св). Эхпрессен (2016-йил 21-июн). Қаралди: 2018-йил 31-март.
- ↑ „Тедс вäг мот сжäлвморд“ (св). Эхпрессен (2005-йил 31-август). Қаралди: 2018-йил 31-март.
- ↑ Генберг, Кжелл (18 Новембер 1972). „Ноw Сwедиш Талент Cонқуэрс Сwеден!“. Биллбоард. 84-жилд, № 48. Неw Ёрк. 89-бет — Интернет Арчиве.