Tektonik val

Тектоник вал — нисбатан камбар (эни бир неча ўн км) ва узун қия (100– 300 км), асосан, асимметрик кўтарилма; платформалар учун хос. Бал. 100 м гача (ўртача майдони 200 дан 6000–10000 км² гача). Тектоник валлар брахиантиклинал бурмалар (плакантиклинал)нинг занжири ёки занжирлари (мураккаб валлар)дан иборат. Тектоник валнинг катта қисми антеклиза ва синеклизалар ўртасидаги чегара зонасида ёки фундаментнинг ёриқлари устида ривожланади. Ёшроқ платформаларда Тектоник вал, одатда, бурмали асосга эга бўлган антиклинал зоналарнинг кучли заифлашган кўринишини такрорлаб, уларнинг ўрнини эгаллайди. Аксари Тектоник вал доирасида жойлашган майда кўтарилмалар нефтгаз тўпламлари билан боғлиқ. Одатда, қад. платформалар плиталарида Тектоник валлар флексуралар билан чегараланган ва кўпинча кўтарилмалар ва фундаментни ботқоклигини чегараловчи ёриқлар зонасини кузатиб боради. Улар чокли Тектоник валлар деб аталади. Тектоник валларнинг инверсион, мегавал ёки йирик, мураккаб турлари мавжуд. Типик Тектоник валларга Россия плитасидаги ОкаТСна, ДонМедведица, Вятка валлари киради.