Televizion teleskop

Телевизион телескоп - кузатиладиган осмон ёритқичларининг тасвири телескоп техника ёрдамида ҳосил қилинадиган астрономик қурилма. Биринчи марта ХХ аср 50й.лари ўрталарида Ой ва сайёраларни, кейинчалик эса Ер сунъий йўлдошлари ва бошқа космик обект (галактика, туманлик) ларни кузатишда қўллана бошлади. Телевизион телескоп оптик телескота ўрнатилган узатувчи телевизион трубка (суперортикон, изокон, видикон), видеокучайтиргич, алоқа канали ва қабул қилувчи телевизион трубка (кинескоп) дан иборат. Телевизион телескоп спектрнинг ултрабинафша, кўринма ва инфрақизил диапазонларида ишлаши ва космик обект тасвирини узоқ масофага (кабел ёки эфир орқали) узата олиши билан бошқа нур қабул қилувчи воситалар (фотопластинка, фотоэлемент)дан устун туради. Олинган видеосигналларни қайта ишлашда автоматик асбоблардан фойдаланилади. Телевизион телескоп биринчи марта 1952-йил Ойни (Буюк Британия) ва 1954-йил Марсни (АҚСҲ) кузатишда қўлланди. Пулково расадхонасида Телевизион телескоп билан 1956-йилдан бошлаб Ой тадқиқ қилинган. Ўзбекистон Фанлар академияси Астрономия институтида Телевизион телескоп йўқ. Бу ерда заряд алоқасига асосланган матрицали Қуёш телескопи (ПЗС) ишлаб турибди (2004).