Temizuya

Temizuya - sintoiylik ibodatxonasi hududida joylashgan inshootlardan biri bo‘lib, u ibodatxonaga kirishda poklanish marosimini bajarish uchun mo‘ljallangan maxsus inshootdir. Sintoiystlar uni chozuya (Chozuya) deb, ham atashadi. Sintoiylikda, chozuya ibodatxonaga kirish darvozasining oldida qurilgan bo‘lib, har bir ziyoratchi ibodatxonaga kirishdan oldin unda qo‘l va og‘izlarini chayishlari talab etiladi. Poklanish marosimini bajargandan so‘ng, ziyoratchi tori orqali ibodatxonaga kiradi. Poklanish marosimi sintoilikda xarai deb, nomlanadi. Xarai sintoiylikda bajarilishi zarur bo‘lgan amallardan biri bo‘lib, u ichki (qalb pokligi) tashqi (tana va kiyim kechaklar pokligiga) poklikka nisbatan ishlatiladi. Sintoiylikda poklikka minogi amalini bajarish orqali erishiladi. Minogi amali buloq, chashma, yoki suv to‘planadigan maxsus idish (bochka) shuningdek, suv olishga mo‘ljallangan taxtadan yasalgan marosimiy cho‘mich yordamida pok suv ila bajariladi. Ziyoratchilar avvaliga cho‘michda suv olib qo‘llarini yuvadilar. Keyin esa, kaftlariga suv olib og‘izlarini chayadilar. Shundan so‘ng, keyingi ziyoratchilarga ibodat anjomini pok holda tashlab ketish maqsadida marosimiy cho‘michni ushlagichini yuvib qo‘yadilar.

Adabiyotlar

• Najmiddinov J., Karimov J., Turdiyeva D.. Dinshunoslik. Qomusiy lugʻat. Imom Buxoriy xalqaro markazi nashriyoti, 2017 — 480-bet. ISBN 978-9943-5105-3-1.