Tenzometr

Тензометр — кж (куч) тушадиган иншоот элементлари ва машина қисмларида вужудга келадиган деформациялар (шакл ўзгартиришлари) ни ўлчайдиган асбоб. Деформациянинг қиймати ва эластиклик модули (қаттиқ жисмнинг қайишқоқлигини ифодаловчи кўрсаткич) маълум бўлса, материалда ҳосил бўладиган зўриқишларни аниқлаш мумкин. Т.нинг механик ва электрон тури бор. Механик Т. ричаглар (пишанг) тизимидан иборат; унинг учи ўткир оёқлари деформация л анувч и жисмга таянади; жисм узайганда ричаглар ҳаракатга келиб, ўлчов милини буради; мил деформация миқдорини кўрсатади. Электрон Т.лар текширилаётган деталга ўрнатилган тензодатчик (узаткич)лардаги электр токининг ўзгаришига асосланади. Тензодатчик сим ёки зарқоғоздан ясалган панжара ёки яримўтказгичдан тайёрланган пластинадан иборат. Тензодатчик қатгиқ жисмларнинг механик деформациясини электр сигналларга ўзгартиради ва шу йўл билан деформациянинг миқдори аникланади.