Tereksoy surma koni

Терексой сурма кони - Қирғизистон Республикаси Ўш вилоятининг Чатқол туманидаги кон. 1946-йилдан Қадамжой сурма кти томонидан қазиб олинади. Минераллашиш зонаси Сарасой антиклиналининг ядро қисмида уни мураккаблаштирувчи ва кенглик йўналиши бўйича чўзилувчи Сухар брахибурмасида жойлашган. Кондаги тоғ жинсларининг аксари қисми охакли сланецлар билан қопланган протерозой мармарларидан иборат. Асосан, протерозой даврига оид сланец ва мармарлар чегарасидаги гидротермал ўзгарган кварсли брекчиялар таркибида 10% антимонит, ўртача 7,6% гача олтингугурт руда таналари жойлашган. Брекчиялар таркиби ўзгарувчан бўлиб, кварсоҳактошли, кварссланецли ва кварсли бўлади. Рудалашиш зонаси турли даражада сулфидлашган (пирит, арсенопирит) кулранг, оч кулранг тусдаги брекчиялашган, кварслашган карбонацланеили жинслардан иборат. Рудалашиш зонасининг чегаралари етарлича аниқ. Конда қатламлинзасимон 4 руда танаси аникланган бўлиб, 1руда танаси энг йирик ва сифатли ҳамда қазиб олишга ярокли. Руда танаси 250 м чуқурликкача давом этиб, йўналиши бўйлаб қарийб 300 м, ўртача қалинлиги 3,5 м. Кондан қўшимча кумуш ҳам олинади. Коннинг генезиси гидротермалметасоматик. Асосий минераллари — пирит, антимонит, туғма олтин. Иккиламчилари — марказит, сфалерит, синкелит, тетраэдрит, хира рудалар ва халкопирит.