Тҳе Доор инто Суммер

Тҳе Доор инто Суммер

Биринчи нашр муқоваси
Асл номи	Тҳе Доор инто Суммер
Муаллиф(лар)	Роберт А. Ҳеинлеин
Муқова артист(лар)и	Мел Ҳунтер
Мамлакат	Америка Қўшма Штатлари
Тил	инглизча
Жанр(лар)и	Илмий фантастика
Нашр этилган санаси	Сериал версияси 1956-йил; қаттиқ муқовали нашри 1957-йил
Нашриёт	Доубледай
ИСБН	0-330-02516-3
ОCЛC	16365175

Тҳе Доор инто Суммер — америкалик илмий-фантастик ёзувчи Роберт А. Ҳеинлеин қаламига мансуб роман. Асар дастлаб 1956-йилнинг октябр, ноябр ва декабр ойларида „Тҳе Магазине оф Фантасй & Сcиэнcе Фиcтион“ журналида серия кўринишида чоп этилган (муқова ва ички расмларни Келлй Фреас чизган). 1957-йилда эса қаттиқ муқовада китоб ҳолида нашр этилган.

Ғоянинг туғилиши

Асар ғояси Ҳеинлеин кейинчалик эслаб ўтган бир ҳодисадан келиб чиққан:

“Колорадода яшаб юрган пайтларимизда қор ёғиб берди. Мушугим ташқарига чиқмоқчи бўлди. Ўзи мушукларни жуда яхши кўраман. Эшикни очдим, лекин у чиққиси келмай, ҳадеб миёвлайверди. У илгари ҳам қорни кўрган эди, шунга тушунмай ҳайрон қолдим. Бошқа эшикларни ҳам очиб бердим, барибир чиқмади. Шунда Жинни: “Э, у ёзга очиладиган эшикни қидиряпти”, деб қолди. Мен қўлимни кўтариб, бошқа ҳеч нарса дема, дедим-да, 13 кун ичида „Тҳе Доор инто Суммер“ романини ёзиб тугатдим.

Сюжети

Роман 1970-йилда, муҳандис ва ихтирочи Даниэл Бооне Дависнинг доимий ичкиликка берилиб юрган кезларидан бошланади. У ўзи асос солган „Ҳиред Гирл, Инc.“ компаниясини шериги Милес Гентрй ҳамда компания ҳисобчиси Белле Даркин сабабли бой берган эди. Аслида Белле Даниэлнинг қайлиғи бўлиб, уни алдаш йўли билан етарлича овоз бериш аксияларини қўлга киритади ва Милес билан биргаликда компанияни эгаллаб олади. Даниэлнинг дунёдаги ягона дўсти қорда ташқарига чиқишни умуман ёқтирмайдиган, „Пити“ (тўлиқ исми Петроний Арбитор) лақабли уришқоқ мушуги эди.

„Ҳиред Гирл, Инc.“ робот-чангютгичлар ишлаб чиқарарди. Даниэл уй-рўзғор учун мўлжалланган кўп функсияли янги робот — Флехибле Франк устида ишлаётган пайтда Милес компанияни ҳамда ушбу янги роботни „Манних Энтерприсес“ корпорациясига сотиш ниятида эканини билдиради. Бунинг эвазига Милес ўша корпорацияда вице-президент лавозимини олиши керак эди. Мустақил қолишни хоҳлаган Даниэл бу келишувга қарши чиқади, аммо овоз беришда ютқазиб, бош муҳандислик лавозимидан бўшатилади. Катта миқдордаги товон пули ва қўлидаги қолган аксиялар билан кўчада қолган Даниэл анабиоз хизматидан фойдаланишга қарор қилади. У ўттиз йилдан кейин уйғониб, янада порлоқ келажакда яшашни умид қилади. Анабиоз марказидаги кўрикдан ўтказувчи шифокор Даниэлнинг мастлигини дарҳол пайқайди. У Даниэлга 24 соатдан кейин ўтказиладиган муолажага мутлақо хушёр ҳолда келишни, акс ҳолда муолажа бекор қилинишини айтиб огоҳлантиради.

Ўзига келиб, хушёр тортган Даниэл режасини ўзгартириб, қарши ҳужумга ўтишга қарор қилади. Аввалига у „Ҳиред Гирл“даги аксиялари сертификатини ўзи ишонган ягона инсонга — Милеснинг ўгай қизи Фредериcа („Рики“) Виргиниа Гентрйга почта орқали юборади. Шундан сўнг Даниэл Милес билан ҳисоб-китоб қилиш учун унинг уйига боради ва у ерда Беллени учратади. Белле Даниэлга зомби деб аталувчи ноқонуний дори юборади. Дори таъсирида Даниэл ўз хоҳиш-иштиёқини йўқотиб, маъносиз бўйсунувчи аҳволга тушиб қолади. Белле ва Милес Даниэлнинг анабиозга кетиш режасидан хабар топгач, уни Белленинг шубҳали шериги — „Манних“ корпорациясига қарашли бошқа бир анабиоз омборига жойлаштирадилар.

Даниэл 2000-йилда уйғонади. Унинг на пули, на бир вақтлар ўзи билган одамларни қандай топиш ҳақида тасаввури бўлмайди. Белле унга қолдирган озгина маблағ ҳам 1987-йилда „Манних“ корпорациясининг банкрот бўлиши билан йўққа чиққан эди. Даниэл ҳушини йўқотган туни Милеснинг уйидан қочиб кетган Пити лақабли мушугидан ҳам ажралган, эндиликда ўрта ёшларга бориб қолган Рикини қаердан қидиришни ҳам билмасди.

Шунга қарамай, Даниэл ҳаётини қайта йўлга қўйишга киришади. У ҳозирда „Ҳиред Гирл“ компаниясига эгалик қилаётган „Геарй Мануфаcтуринг“ корхонасини ўзини расман вакиллик лавозимига ишга олишга кўндиради. Кейинчалик у Милеснинг 1972-йилда вафот этганини, Белле эса ичкиликка берилиб, умри хазон бўлган бир жанжалкаш кампирга айланганини билиб олади. Белленинг эсида қолгани фақат шу бўладики, Рики Даниэл анабиоз қилинган вақтларда бувисининг ёнига яшагани кетган эди. Белленинг Милес билан тузган барча режалари барбод бўлганди, чунки Даниэл тузоққа туширилган ўша кечада Флехибле Франк прототипи ҳам ғойиб бўлган эди.

Ҳаволалар

• Тҳе Доор инто Суммер парц оне, тwо, анд тҳреэ он тҳе Интернет Арчиве