Thomas Huxley

Гексли, Ҳақсли (Ҳухлей) Томас Генри (1825.4.5, Илинг - 1895.29.6, Истборн, Суссекс) — инглиз табиацҳуноси. Ч. Дарвин сафдоши ва таъли-мотининг давомчиси. Қироллик кончилик мактаби профессор (1854—95), Лондон қироллик жамияти котиби (1871—80), президенти (1883—85). Илмий ишлари зоология, қиёсий анатомия, палеонтология, антропология ва эволкшион таълимотга оид. Г. медузалар билан полиплар ўртасида боғлиқлик борлигини исботлаб берди (1849); ҳамма умуртқали ҳайвонлар калла суягининг тузилиши умумийлиги тўғрисидаги ғояни илгари сурди. Судралиб юрувчилар билан қушлар чаноғи ва оёклари тузилишини қиёсий анатомик ўрганиш асосида улар уртасидаги умумийликни кўрсатиб берди. Геология соҳасида Ер пўстининг бирданига келиб чиққанлиги тўғрисидаги эски тушунчани танқид қилди ва гомотаксис, яъни бир хилдаги фацияларнинг чўкмага тушиши ғоясини илгари сурди.