Tibbiy roboti
Tibbiy roboti — tibbiyot fanlarida qoʻllaniladigan robot. Ularga jarrohlik robotlari ham kiradi. Aksariyat hollarda bu robotlar telemanipulyatorlar hisoblanadi. Ular bir tomonda jarrohning aktivatorlaridan foydalangan holda, ikkinchi tomondagi ishchi organni boshqarish imkonini beradi[1][2][3].
Turlari
Jarrohlik robotlari: Bu robotlar jarrohlik amaliyotlarini inson qoʻli yordamisiz erishib boʻlmaydigan yuqori aniqlikda bajarish imkonini beradi yoki inson-jarroh bemorning yonida jismonan hozir boʻlmagan masofaviy jarrohlikni amalga oshirishga sharoit yaratadi.
Reabilitatsiya robotlari: Ular bemorlar, keksalar yoki tana aʼzolarining harakatga taʼsir qiluvchi disfunksiyasi bor shaxslarning hayotini osonlashtiradi va qoʻllab-quvvatlaydi. Shuningdek, ushbu robotlar reabilitatsiya va unga bogʻliq jarayonlarda, masalan, mashgʻulotlar hamda terapiyada qoʻllanadi.
Biorobotlar: Inson va hayvonlarning kognitiv qobiliyatlariga taqlid qilish uchun moʻljallangan robotlar guruhi.
Tele-ishtirok robotlari: Ular tibbiyot mutaxassislariga masofadan turib harakatlanish, atrofni koʻzdan kechirish, muloqot qilish va jarayonlarda ishtirok etish imkonini beradi.
Dorixona avtomatizatsiyasi: Chakana dorixonalarda qattiq dori shakllarini tarqatish yoki shifoxona dorixonalarida steril tomir ichiga quyiladigan (IV) aralashmalarini tayyorlash uchun moʻljallangan robot tizimlari[4].
Hamroh robotlar: Ular foydalanuvchilar bilan hissiy aloqaga kirishish, ularga hamrohlik qilish va salomatligida muammo yuzaga kelsa, ogohlantirish qobiliyatiga ega.
Dezinfeksiya roboti: Odatda impulsli ultrabinafsha nurlardan foydalangan holda, butun bir xonani bir necha daqiqa ichida dezinfeksiya qilish imkoniyatiga ega[5][6]. Ular Ebola virusi kasalligiga qarshi kurashda ham qoʻllangan[7].
Shifoxona robotlari: Atrof-muhitning oldindan dasturlangan sxemasi va oʻrnatilgan sensorlar yordamida ushbu robotlar shifoxona boʻylab dori-darmonlar, ovqatlar va tahlil namunalarini yetkazib beradi.
Robotik protezlar: Oʻz egalarini xuddi tirik aʼzolardek funksionallikka ega boʻlgan qoʻl va oyoqlar bilan taʼminlashga yoʻnaltirilgan.
Laboratoriya robotlari: Laboratoriyalarda uchraydigan ushbu robot turlari jarayonlarni avtomatlashtirish yoki laboratoriya texniklariga takrorlanuvchi vazifalarni bajarishda yordam berish uchun maxsus ishlab chiqilgan.
Manbalar
- ↑ „Technology & Clinical Applications: Report“. 2016-yil 4-martda asl nusxadan arxivlangan. Qaraldi: 2015-yil 10-aprel.
- ↑ Beasley, Ryan A. (12 August 2012). "Medical Robots: Current Systems and Research Directions". Journal of Robotics 2012: 1–14. doi:10.1155/2012/401613.
- ↑ Schweikard, Achim; Ernst, Floris. Medical Robotics. Springer Science+Business Media, October 2015. DOI:10.1007/978-3-319-22891-4. ISBN 978-3-319-22890-7.
- ↑ Corley, Anne-Marie „The Reality of Robot Surrogates“. spectrum.ieee.com (2009-yil 1-sentyabr). 2009-yil 28-sentyabrda asl nusxadan arxivlangan. Qaraldi: 2013-yil 19-mart.
- ↑ „Tech on Seeker“. Seeker. 2013-yil 20-oktyabrda asl nusxadan arxivlangan. Qaraldi: 2014-yil 27-noyabr.
- ↑ „Pulsed (UV) Light“. Top Wiki. 2018-yil 1-sentyabrda asl nusxadan arxivlangan. Qaraldi: 2017-yil 8-yanvar.
- ↑ Bayot, Asher „U.S. Military Robots To Join Fight Against Ebola“. Inquisitr (2014-yil 23-noyabr). 2019-yil 5-iyulda asl nusxadan arxivlangan. Qaraldi: 2026-yil 2-aprel.
Havolalar
- Medical Robotics Text Book
- Medical Robots Conference (Wayback Machine saytida 2014-11-02 sanasida arxivlangan)
- Robotic IV Automation — RIVA
- Where Are the Elder Care Robots?
- Notable Chinese Firms Emerging in Medical Robots Sector (Wayback Machine saytida 2019-10-19 sanasida arxivlangan) (IEEE)
- Medical Robots- Towards Robotics