Ziyosfera

Tina va Milo

Тина ва Мило Милано Кортина 2026-йилги Қишки Олимпия ўйинлари ва Қишки Паралимпиада ўйинларининг расмий талисманлари ҳисобланади[1]. Улар икки антропоморф сувсар ҳайвони кўринишида тасвирланган.

Тина ва Мило
Бўйинларига шарф таққан, бир-бирининг елкасига қўлини қўйган, икки антропоморф қамишқуйруқнинг чизилган мултфилм тасвири. Чап томонда оқ қамишқуйруқ, ўнг томонда эса оёғи йўқ жигарранг қамишқуйруқ тасвирланган. Уларни атрофидан бошида оппоқ гуллар, танасида яшил либосли, пери сингари олтита кичик қаҳрамон ўраб турибди.
Тина (чапда) ва Мило (ўнгда)нинг Фло томонидан ўраб олинган расмий тасвири
Муаллиф(лар) Иституто Cомпренсиво ди Таверна ўқувчилари
Умумий маълумотлар
Тури сувсар
Миллати италян

Тина ва Мило 2026-йилги Милано Cортина талисманлари дизайнлари учун эълон қилинган, 1 600 дан ортиқ иштирокчи қатнашган очиқ сўровда ғолиб бўлган. Барча дизайнлар 6–14 ёшдаги италиялик ўқувчилар томонидан чизилган. Иституто Cомпренсиво Таверна ўқувчилари томонидан яратилган Тина ва Мило 53 фоиз овоз билан ғолиб бўлган[2]. Танлов Фондазионе Милано Cортина 2026 жамғармаси ва Италия Таълим вазирлиги ҳамкорлигида ўтказилган[3]. Талисманларга номлар Италия шаҳарларидан: Кортина д’Ампеззо (Тина) ва Милан (Мило) олинган[1][2]. Уларнинг дизайнлари 7-феврал куни Санремо мусиқа фестивали 2024да тақдим этилган[1].

Тина ва Мило опа-ука. Олимпия талисмани бўлган Тина оқ мўйнали бўлиб, янги нарсаларни кашф этиш учун Италия тоғларидан шаҳарга кўчиб келган. Унинг укаси Мило – Паралимпия талисмани, жигарранг мўйнали ва бир оёқсиз туғилган, бироқ одатдаги оёқлар ўрнига думидан фойдаланиб юради[3][4]. Тина ва Милони яратган ўқувчилар сувсарлар беғуборлик ва поклик тимсоли эканини, уларнинг мўйнаси ранглари ҳар хил бўлиши эса икки қутблилик ва хилма-хилликни ифодалашини таъкидлашган. Сувсарлар мавсумларга қараб мўйна рангини ўзгартиради, ёзда жигарранг-оқ, қишда эса бутунлай оқ бўлади. Милано Cортина 2026 ташкилий қўмитаси бу жуфтликни „илк З авлодига мансуб талисманлар“ деб таърифлаган[2]. Тина ва Милога Фло деб аталувчи, олтита антропоморф қор томчигуллари жамоаси ҳамроҳлик қилади. Фло талисман танловида иккинчи ўрин олган дизайнларга асосланган бўлиб, Иституто Cомпренсиво Сабин ди Сеграте ўқувчилари томонидан яратилган[5]. Улар умидворлик ва бардошлиликни маъносини ўзида мужассамлаштиради[2].

2025-йилда Италия 2026-йилги Қишки Олимпиада ва Паралимпиада ўйинларини ёдга олиш мақсадида бир қатор Евро тангалари дизайнларини чиқарди, улардан айримларида Тина ва Мило тасвирлари ҳам жой олган эди[6].

Яна қаранг

Манбалар

  1. ↑ 1,0 1,1 1,2 „Милано Cортина 2026 унвеилс масcоц Тина анд Мило“. олймпиcс.cом (2024-йил 7-феврал). 2024-йил 29-июлда асл нусхадан архивланган. Қаралди: 2024-йил 7-феврал.
  2. ↑ 2,0 2,1 2,2 2,3 Фентон, Cаэла „Меэт Тина анд Мило, тҳе масcоц фор Милано Cортина 2026“ (эн-УС). Теам Cанада - Оффиcиал Олймпиc Теам Wебсите (2024-йил 8-феврал). 2025-йил 20-январда асл нусхадан архивланган. Қаралди: 2024-йил 2-август.
  3. ↑ 3,0 3,1 „Милано Cортина 2026 унвеилс Паралймпиc анд Олймпиc масcоц, Мило анд Тина“ (эн). Интернатионал Паралймпиc Cоммиттеэ. 2024-йил 16-декабрда асл нусхадан архивланган. Қаралди: 2024-йил 2-август.
  4. ↑ „Тҳе сторй оф Тина анд Мило, тҳе Масcоц оф тҳе Гамес | Милано Cортина 2026“. миланоcортина2026.олймпиcс.cом. Қаралди: 2024-йил 2-август.
  5. ↑ „Меэт Тина анд Мило: Милано-Cортина 2026 масcоц“. www.инсидетҳегамес.биз (2024-йил 8-феврал). 2024-йил 15-августда асл нусхадан архивланган. Қаралди: 2024-йил 2-август.
  6. ↑ „Милано Cортина 2026’с шининг cоинс“. Милано Cортина 2026. Қаралди: 2025-йил 17-феврал.
Олдингиси Олимпиада телесмани
Милан-Cортина 2026 		Кейингиси
ТБА
Олдингиси Паралимпиада талисмани
Милан-Cортина 2026 		Кейингиси
ТБА
"https://new.ziyosfera.uz/ziyo/Tina_va_Milo" dan olindi