Tojiali Boboyev

Тожиали Бобоев (1908-йил 27-феврал, Марғилон — 1984-йил 26-май Марғилон) — Иккинчи жаҳон уруши қатнашчиси, кичик сержант унвонига эга. 1943-йилдан Иккинчи жаҳон уруши фронтида. 1006-ўқчи полки пулемётчиси. 1945-йил 19-апрелда Германиянинг Рингенвалд раённида душман билан жанг қилиб, бошқа қисмларнинг олдинга силжишига ёрдам берди. Берлин бўсағаларида бўлган жангларда жасорат кўрсатди. Бобоев Силезия вокзалига биринчи бўлиб кирди ва бинонинг устки қисмига қизил байроқни ўрнатди. Совет Иттифоқи Қаҳрамони унвонига сазовор бўлган (1945). Урушдан кейин умрининг сўнгига қадар Марғилонда яшаган.

Тожиали Бобоев
Файл:Тожиали-Бобоев.жпг
Таваллуди	27-феврал 1908-йил Марғилон
Вафоти	26-май 1984-йил Марғилон
Хизматдаги йиллари	1943 — 1945
Унвони
Ҳарбий  қисм	1006-ўқчи полки пулемётчи
Жанг/уруш	Иккинчи жаҳон уруши
Мукофотлари

Биографияси

1908-йил 27-февралда (баъзи манбаларга кўра 10-март)  Марғилон шаҳрида (ҳозирги Ўзбекистоннинг Фарғона вилояти) ҳунарманд-деҳқон оиласида туғилган. Миллати ўзбек. Тожиали Марғилонда бошланғич мактабни тугатган ва кейинчалик тўқувчи бўлиб ишлаган. 1943-йил март ойидан иккинчи жаҳон урушида қатнашиш учун Қизил Армия сафига чақирилдида. 1943-йил май ойидан Улуғ Ватан урушида жанг фронтида хизмат қилди. Донбассни озод қилишда қатнашган двизиянинг аъзоларидан бири.

1943-йил сентябр ойида Константиновка (Донецк вилояти) шаҳрини озод қилиш учун бўлиб ўтган жангларда Қизил Армия аскари Бобоев шахсан ўзи саккиз нафар фашистни йўқ қилди ва бутун отрядни олдингга ундади.

Кейинги жангларда у Днепрни озод қилишда қатнашди. Жангларнинг бирида яраланди. Госпиталда жарохатидан тузалиб, фронтга, жанг майдонига қайтди. Полшани озод қилиш ва кейинчалик Германиядаги жангларда ҳам қатнашган.

1-Белоруссия фронти 5-армиясининг 266-пиёда дивизияси 1006-пиёда полкининг пулемётчиси, кичик сержант Бобоев 1945-йил 19-апрелда Врицен (Германия) шаҳаридан 12 километр жанубда жойлашган Рингенвалде қишлоғи яқинидаги жангларда ажралиб турди.

Душман мудофаасини ёриб ўтишда кичик сержант Бобоев ўқ остида, душман пулемётига яқинлашиб, уни йўқ қилди ва взводнинг олдингга ҳаракатланишига имкон берди. У жангларда яраланган эди, аммо двизия сафида қолишни лозим топди. Жангнинг олдинга силжишини таъминлаб, у бўлинмаларнинг орқа қисмидан киришга уринган душманни топди. Жангдаги қатнашчилардан бирини хавф ҳақида хабар бериш учун юбориб, ўзи эса душманни масофадан назорат қилди ва унга қарата ўқ узди, қўшимча кучлар келгунча ўз позициясини сақлаб қолди.

1945-йил 23-апрелда Берлиндаги кўча жангида у биринчи бўлиб Силезия темир йўл вокзали биносига бостириб кирди ва бино устки қисмига қизил байроқни ўрнатди.

СССР Олий Совети Президиумининг 1945-йил 31-майдаги фармони билан фашист босқинчиларига қарши курашда кўрсатган жасорати ва қаҳрамонлиги учун кичик сержант Тожиали Бобоевич Бобоевга Совет Иттифоқи Қаҳрамони унвони берилган. Кейинчалик эса Ленин ордени ва „Олтин юлдуз“ медали билан ҳам тақдирланди (№ 6710). 1945-йилда у барча сафдошлари билан урушдан демобилизация қилинди. 1945-йилдан Совет Иттифоқи Коммунистик Партияси аъзосига айланди. Урушдан сўнг Марғилон шаҳрига қайтиб келди ва қолган умрини шу ерда ўтказди. 1984-йил 26-майда Марғилон саҳрида вафот этган.

Мукофотлар

• Совет Иттифоқи Қаҳрамони „Олтин юлдуз“ медали
• „Ленин ордени“ соҳиби
• „Ватан уруши ордени“ соҳиби
• „Меҳнат Қизил Байроғи Ордени“ соҳиби
• „Қизил Юлдуз ордени“ соҳиби

Ҳаволалар

• Тожиали Бабаэвич Бабаэв „Ватан қаҳрамонлари“ сайти.