Toluol

Толуол (испанча толу – Толу балзами – шундан илк бор Толуол олинган), метилбензол, С6Н5СН3 – ароматик углеводород; ёнувчан, рангсиз суюқлик, бензин ҳиди келади. Қайнаш температураси 110,6°; кокс газида бўлади. Саноатда нефт фраксиясини термик ишлаш маҳсулотларидан олинади.

Иссиққа чидамли. Пиролиз натижасида мураккаб углеводородлар (бензол, дитолил, нафталин, антрацен) ҳосил бўлади. Толуолни радиолизлаб, дитолил, бензилтолил, дибензил олинади. Толуолни 500—700° да водород босими (40—60 атм) остида диметиллаб, ундан саноатда бензол ишлаб чиқарилади. Тоулни каталитик оксидлаб, бензил спирт, бензалдегид, бензой кислота, малеин ангидрид ҳосил қилинади.