Toronto

Торонто — Канаданинг шарқий қисмидаги шаҳар. Онтарио провинсиясининг маъмурий маркази. Ахолией 2,4 млн. киши (2001, шаҳар атрофи билан 4,6 млн. киши). Транспорт йўллари тугуни. Онтарио кўли соҳилидаги порт, океан кемалари ҳам кира олади. Аэропорти халқаро аҳамиятга эга. Мамлакатнинг муҳим савдосаноат, молия ва маданий маркази. Катта Т.да мамлакат саноат маҳсулотининг 1/4 қисми ишлаб чиқарилади. Асосий саноат тармоклари: умумий машинасозлик, металлсозлик, электротехника, радио электроника, полиграфия, кимё, техникрезина. Шунингдек, фармацевтика, кўнпоябзал, тикувчилик, озиқ-овқат саноатлари ҳам ривожланган. Метрополитен қурилган. 2 унт, Онтарио қироллик музейи, бадиий галерея бор.

Торонто ўрнида ХВИИ асрда индейслар қишлоғи, ХВИИИ асрда франсузларнинг савдо манзилгоҳи, кейинроқ форт бўлган. 1793-йилда инглизлар келиб ўрнашган (1834-йилгача Ёркдебаталган). 1793—1841-йилларда инглизлар мустамлакаси Юқори Канаданинг маъмурий маркази. 1837— 38 йилларда мустамлакачиларга қарши кураш маркази бўлган.

Меъморий ёдгорликларидан ёғоч деворлар ва Ёрк қалъаси қолдиқлари, суд биноси ва бошқа сакданган. Замонавий бинолардан 72 қаватли бино ва баландлиги 553 м ли телеминора курилган.