Trava u doma
„Трава у дома“ (русча: Трава у дома, яъни „Уй олдидаги майса“) — рус бастакори Владимир Мигуля шоир Анатолий Поперечний шеърига басталаган қўшиқ. „Трава у дома“ қўшиғи „Земляне“ гуруҳи ижросида кенг шуҳрат қозонган. Қўшиқнинг илк мисраси „Земля в иллюминаторе“ („Иллюминатордаги Ер“) бўлгани учун тингловчилар орасида шу ном билан ҳам танилган.
| „Трава у дома“ | |
|---|---|
|
Файл:Сергей Скачков (Группа «Земляне») вручение ордена в ХХС, 14.04.2006.wебм Сергей Скачков, „Земляне“ гуруҳи ва учувчи-космонавтлар (Совет Иттифоқи ва Россия Қаҳрамонлари) Сергей Крикалев ва Анатолий Соловёв „Трава у дома“ ва „Повер в мечту“ қўшиқларини ижро этишмоқда. Сергей Скачковни „За усердиэ во благо Отечества“ (Ватан равнақи учун) ордени билан тақдирлаш маросимидан лавҳа. „Христа Спасителя собори“, Москва. 2006-йил 14-апрел | |
| „Земляне“ гуруҳи сонг | |
| Парад ансамблей 2 албомидан | |
| Чиқарилган санаси | 1983 |
| Ёзиб олинган | 1983 |
| Жанр | спаcе роcк |
| Давомийлиги | 04:42 |
| Лейбл | Мелодия |
| Қўшиқ муаллиф(лар)и | Анатолий Поперечний |
| Бастакор(лар) | Владимир Мигуля |
| Клипи | |
| „Трава у дома“ ЁуТубеда | |
Қўшиқ матнига айланган шеърнинг илк версияси ҳам „Трава у дома“ деб номланган. Шеър қаҳрамоннинг ўсиб-улғайган уйига бўлган соғинчи ҳақида бўлган ва унда фазогирлар ҳақида сўз бормаган. 1982-йилда Мигуля ҳамда шеър муаллифи Поперечний Космонавтика куни учун қўшиқ ёзишга қарор қилган ва Поперечний шеърни олиб, ўзгартирган.
Мигуля қўшиқни илк бор 1982-йилнинг 12-апрелда „Притяжениэ Земли“ (русчадан таржима қилганда „Ернинг тортиш кучи“) дастурида ижро этган. Илк версия кейинчалик „Земляне“ гуруҳи айтган аранжировкадан кескин фарқ қилган. „Земляне“ ижросидаги „Трава у дома“ қўшиғи Бутуниттифоқ „Песня-83“ телефестивалида тақдирланган[1].
„Трава у дома“ қўшиғи совет ва кейинчалик рус фазогирларининг мадҳиясига айланган. 2009-йилда „Роскосмос“ қарори билан қўшиққа расман „Россия космонавтикаси мадҳияси“ мақоми берилган[2]. Қўшиқ Россияда ҳар сафар космик кема учирилишидан олдин, экипаж меҳмонхонадан уларни космодромга олиб кетадиган автобусга юриб бораётганида янграйди.
Кўплаб россиялик ва хорижлик санъаткор „Трава у дома“ қўшиғининг ҳар хил ремикс ва кавер-версияларини ҳозирлаган. Шунингдек, қўшиқ бир неча филм саундрекига киритилган. Хусусан, қўшиқ таниқли „Сеними, шошмай тур!“ (русча: Ну, погоди!) мултфилмининг 14-сериясида ишлатилган. 2020-йилнинг 31-майида СпаcеХ ширкатининг илк фазо кемаси ҳавога учирилиши ортидан Интернетнинг рус сегментида „Земляне“ гуруҳи ижроси тасвирланган видеонинг ўзгартирилиб, гуруҳ гитарачиси Игор Романов чеҳраси ўрнига СпаcеХ асосчиси Элон Муск юзи қўйилган версияси тарқалди. „Земляне“ гуруҳи солисти Сергей Скачков бу ҳолатга ижобий муносабат билдирди.
Манбалар
- ↑ Курий, Сергей „«Трава у дома». Как был написан первый гимн советских космонавтов?“. Школа Жизни (12-апрел 2010-йил). Қаралди: 11-июн 2022-йил.
- ↑ Ведерников, Алексей. „Песня нашего земляка стала гимном российской космонавтики“. Аргументи и факти (31-март 2010-йил). Қаралди: 11-июн 2022-йил.