Ziyosfera

Trofim Kan

Трофим Кан (1909-йил, Корея, Ҳамгёнг вилояти, Кеван қишлоғи – 1962-йил 13-апрел[1]) – Ўзбекистон ССР, Тошкент вилояти, Қуйи Чирчиқ туманидаги Будённий номидаги колхоз аъзоси. Социалистик Меҳнат Қаҳрамони (1953)[2].

Трофим Кан
Таваллуди 1909-йил
Корея, Ҳамгёнг вилояти, Кеван қишлоғи
Вафоти 1962-йил 13-апрел
Фуқаролиги SSSR bayrogʻi СССР
Мукофотлари

Ҳаёти

Трофим Кан 1909-йилда Кореянинг Ҳамгёнг провинсияси Кеван қишлоғида деҳқон оиласида туғилган. 1920-йилларнинг охирида у Посецкий туманидаги Юқори Сидими ва Синй Утёс қишлоқларида яшаган. 1927—1929-йилларда у Синй Утёс қишлоғида отасининг шахсий фермасида ишлаган. Кейинчалик 1929-йилда Посецкий туманидаги „Янги йўл“ колхозига ишга киради. „Янги йўл“ колхозида оддий колхозчи, колхоз мудири бўлиб ишлаган. Трофим Кан 1937-йилда Тошкент вилоятига сургун қилинган. 1940-йилда ўрта мактабнинг бешинчи синфини тамомлаган. 1937-йилдан Қуйи Чирчиқ тумани Будённий номидаги колхозда бригада раҳбари, ферма мудири, бригадир бўлиб ишлаган. У 1948-йилда Совет Иттифоқи Коммунистик партияси сафига қабул қилинди[3].

1953-йилда Трофим Каннинг бўлинмаси 5 гектар майдоннинг ҳар гектаридан ўртача 91 сентнердан яшил каноп пояси олди. СССР Олий Кенгаши Президиумининг 1953-йил 21-декабрдаги фармони билан у Ленин ордени ва "Ўроқ ва Болға" олтин медали ҳамда Социалистик Меҳнат Қаҳрамони унвони билан тақдирланган. Кейинчалик Қуйи Чирчиқ тумани Будённий номидаги колхозда хўжалик мудири, сўнгра агроном бўлиб ишлади. Иккинчи жаҳон уруши даврида кўрсатган меҳнати учун „1941—1945-йиллардаги Улуғ Ватан урушидаги жасоратли меҳнати учун“ медали билан тақдирланган.

1962-йил апрел ойида вафот этди. У собиқ Будённий номидаги колхоз қабристонига дафн этилган.

Мукофотлари

Адабиётлар

  • Шин Д. В. Советские корейцы Герои Социалистического труда. Алматы: Сервиcе Пресс, 2019 З. В., Пан Н. Г.
  • Герои Социалистического Труда — казахстанцы. Алма-Ата, 1969—1985, тт. 1-5
  • Советские корейцы Казахстана. Мен Д. В., Квон Л. А., Ким. Алматы, 1992
  • Ким П. Г. Корейцы Республики Узбекистан. Ташкент: Узбекистон. 1993
  • Кан Г. В. История корейцев Казахстана. Алматы: Гылым, 1995
  • Ким Г. Н., Мен Д. В. История и культура корейцев Казахстана. Алматы: Гылым, 1995
  • Ким Б. И. Корейцы Узбекистана. Кто есть кто. Ташкент, 1999

Манбалар

  1. ↑ „Дмитрий Шин в Новой жизни и Солдатском“. www.корё-сарам.сите. Қаралди: 29-ноябр 2023-йил.
  2. ↑ „Видео-Энциклопедия корё сарам. Герой Соцаилистического труда Кан Трофим“. www.ёутубе.cом. Қаралди: 29-ноябр 2023-йил.
  3. ↑ „Герой Социалистического Труда Кан Трофим“. www.wарҳероэс.ру. Қаралди: 29-ноябр 2023-йил. 
"https://new.ziyosfera.uz/ziyo/Trofim_Kan" dan olindi