Tukli beshbarmoq

Тукли бешбармоқ [Дигитариа сангуиналис (Л.) Сcоп.] — бошоқдошларга мансуб бир йиллик бегона ўт. Пояси сершох, бўйи 10—70 см. Барглари узунчоқнаштарсимон. Тўпгули чочоқ рўваксимон. Меваси майда дон. Илдизи попук илдиз, 40 см гача чуқурликка кириб боради. Уруғидан кўпаяди. Апрелдан июнгача ниҳоллари кўкараверади, июл — октабр гача гуллайди ва мевалайди. Бир тупи 5000 тагача уруғ беради. Уруғлари осонгина тўкилади, асосан, сув орқали тарқалади. Уруғи 20—35° ҳароратда униб чиқади. Ўрта Осиёнинг суғорма деҳқончилик минтақаларида кенг тарқалган. Беда, ғўза ва бошқа чопиқталаб экинлар орасида, шунингдек, суғориш шохобчалари бўйлари, йўл ёқаларида учрайди.