Tyubaj
Тюбаж (франсузча:тубаге – трубка, зонд, интубация) – ўт пуфагининг баъзи касалликларида сафро (ўт суюқлиги) ажралиб чиқишини яхшилайдиган ва сафро туриб қолишини бартараф этадиган муолажа тури. Уй шароитида тюбаж фақат шифокор тавсияси билан амалга оширилади[1]. Ушбу процедура ўт йўлларининг дискинези, холелитиёз билан боғлиқ бўлмаган сурункали холецистит, сафро турғунлиги билан кечадиган гепатит, сурункали панкреатит, дуоденит, шунингдек, описторхоздан кейинги реабилитация даврида қўлланади[2][3].
Жараён
Кўпинча шифокор наҳорга сода эритмаси (ярим стакан сувга 1-2 чой қошиқ) ичишни тавсия қилади. Бундан кейин ўнг биқинда ётиб, ўнг қовурға устига сочиққа ўралган горелка қўйиб қўйиш керак. Бу ҳолатда 45 дақиқа ётиш кейин бир стакан магний сулфат эритмаси (1 стакан қайнатилган илиқ сувга 1 чой қошиқ магний сулфат қўшиб) ичиб, ўнг биқинга гарелка қўйилиб яна 30 дақиқа ётилади. Бундан кейин аста-секин ½-1 стакан 40-50° даражагача илитилган минерал сув ичиш ва шу ҳолатда яна 45 дақиқа ётиш тавсия қилинади. Бу ҳолат бир неча маротаба қайтарилгандан сўнггина ижобий натижа кўрсатиши мумкин. Муолажа давомийлиги шифокор томонидан белгиланади.
Қўллаш мумкин бўлмаган ҳолатлар
Тюбажга ўткир касалликлар ва тош холециститида тавсия қилинмайди, у сурункали жараённинг кучайишига (холецистит, панкреатит, гепатит, эрозив дуоденит, ошқозон яраси) сабаб бўлиши мумкин. Шунингдек, назофаренкс (фаренксин бурун қисми), қизилўнгач, ишемик ва гипертониянинг оғир шакллари, жигар портал сиррози сингари касалликларда қўлланилиши тақиқланади.
Мазкур муолажани шифокор руҳсатисиз амалга ошириш тавсия этилмайди[1].
Манбалар
- ↑ 1,0 1,1 Саломатлик энсиклопедияси, 1985-йил — 429-бет.
- ↑ „Тюбаж“, 1. Малая медицинская энциклопедия. — М.: Медицинская энциклопедия. 1991—96 гг. 2. Первая медицинская помощь. — М.: Большая Российская Энциклопедия. 1994 г. 3. Энциклопедический словарь медицинских терминов. — М.: Советская энциклопедия. — 1982—1984 гг.
- ↑ „тюбаж“, Большой медицинский словарь, 2000.