Tyulenlar

Паул де Вос

Тюленлар, қулоқли тюленлар, ҳақиқий тюленлар (Пҳоcидаэ) — куракоёқлилар туркумига мансуб сут эмизувчилар оиласи. Ҳақиқий Т.да қулоқ супраси бўлмайди. Оёклари нисбатан калта, қуруқликда ҳаракатланишда иштирок этмайди. Жунлари дағал, тивициз. Т. 13 уруғ [йўлйўл Т., Гренландия Т.и, денгиз қуёнлари (ғар бир уруғда биттадан тур), нерпалар, денгиз монахлари, денгиз филлари] ва 18 турни ўз ичига олади. Субтропикдан шимолгача бўлган барча денгизларда ҳамда Антарктикада тарқалган. Монах Т. тропик денгизларда учрайди. Асосан, қирғоққа яқин яшайди. Айрим турлари ички сув ҳавзаларида тарқалган. Кўпчилик турлари миграция қилади. Айрим турлари овланади. Оддий тюленнинг уз. 1,6—1,8 м, вазни 80–100 кг; Узоқ Шарқ кенжа турининг боласи узун ва майин оқ юнгли. Бошқа кенжа турлари туғилган боласининг юнги қора. Вояга етган Т. юнги кррамтир-кулранг доғли. Атлантика ва Тинч океан ҳавзасида тарқалган. Муз устида ва соҳилда болалайди. Асосан, балиқдар билан озиқланади.