Ubaydullaxon II sahifasining manbasini koʻrish

== Tashqi siyosati ==
Ubaydullaxon II qoʻshni mamlakatlar bilan diplomatik munosabatlar olib boradi. U asosan [[Turkiya]], [[Hindiston]], [[Rossiya]] mamlakatlarga elchilar yuborgan. Ashtarxoniy hukmdorlar tashqi siyosatda harbiy koʻmak olish, savdo-sotiq qilish maqsadida qoʻshni va xorijiy mamlakatlar bilan elchilik aloqalari olib borishgan.
=== Usmonlilar imperiyasi bilan diplomatik aloqalari ===
Ubaydullaxon II taxtga chiqishi bilan Usmonli sultoniga elchi yuboradi. Ubaydullaxon II Istambulga Xoja Mahmud Aminni yuboradi va sulton [[Ahmad III]] (1703—1730) taxtga kelganligi munosabati bilan tabriklaydi. U elchi bilan yuborgan maktubida oʻzi erishgan muvaffaqiyatlar jumladan, [[Xorazm|Xorazmga]] yurishlari va qozoq qabilalari ustidan gʻalabasi haqida aytib oʻtadi{{sfn|Васильев|2014|p=97}}.
=== Rossiya bilan diplomatik munosabatlar ===
Buxoro xoni Ubaydullo Bahodirxon 1705-yilda [[Rossiya|Rossiyaning]] poytaxti [[Moskva|Moskvaga]] Olimbek Qochoqbekni elchi sifatida yuboradi. Elchilik karvonida Ubaydullaxonning 35 ta, elchining 15 ta odami hamda savdogar Mirqurbon Mirgadoyevning oʻzi va unga tegishli 7 ta kishi boʻlgan.
1705-yil 17-fevral kuni tantanali qabul marosimida elchi tomonidan topshirilgan xon yorligʻida yozilishicha, yaqindagina Xivani egallagan Ubaydullaxon II oʻzining rus hukmdori bilan oldindan olib borilgan doʻstlik aloqalarni davom ettirish kabi masalalar bildirilgan. Bu elchilikda birgalikda kelgan savdogar Mirzayev rus podshosiga yaqin hisoblangan knyaz Boris Galitsinga bir noma topshirib, Moskvada buxorodan keltirilgan mollarni sotishga ruxsat soʻraydi va sotib olinadigan mollardan soliq olinmasligini iltimos qiladi. Elchi va savdogarlar talabi bajariladi. Ubaydullaxon II elchilariga minnatdorchilik bildiriladi va buxoroliklarning Rus davlatida erkin savdo qilishlariga ruxsat beriladi. Ubaydullaxon II yuborgan sovgʻalar uchun rus hukmdori [[Pyotr I]] minnatdorchilik bildiradi va xonga chervonlar yaʼni oltin pullar hadya etadi{{sfn|Жуковский|2022|p=41}}.