Uchchello Paola

УCҲCҲЕЛЛО (Уccелло) (асли ди Доно, ди Доно) Паола (1397 — Флоренсия — 1475.10.12) — италян рассоми, Флоренсия мактабининг йирик намояндаси. У. Донателло, Ф. Брунеллески, Мазаччо ва 1407—14 йилларда Л. Гиберти устахонасида таълим олган ва ундан илҳомланган. Асосан, Флоренсияда, шунингдек, Венеция (1425—30), Падуя (тахминан 1447), Урбино (1465—68)да ҳам ишлаган. У. ижодида готика шаклларига мойиллик янги, реалистик санъат масалаларига бўлган қизиқиш билан ғаройиб уйғунликка эришган; портретлари („Кондотера Ж.Акуто“, Флоренсиядаги собор деворига ишланган фреска, 1436), жанг лавҳалари („СанРомано яқинидаги жанг“, тахминан 1450-йиллар ўртаси, нусхалари Уффицида, Луврда, Лондондаги Миллий галереяда) ва бошқа асарлари сақланган.